राज्यात दोन दिवसांत ७०० कोरोना रुग्णांना डिस्चार्ज

मुंबई, ६ मे : राज्यात गेल्या दोन दिवसात कोरोनाच्या सुमारे ७०० रुग्णांना घरी सोडण्यात आले आहे. सोमवारी आणि मंगळवारी अनुक्रमे ३५० आणि ३५४ रुग्णांना डिस्चार्ज देण्यात आला. सलग दोन दिवस एवढ्या मोठ्या संख्येने रुग्ण बरे होण्याची ही पहिलीच वेळ असून सुमारे सव्वा महिन्यात २८१९ रुग्णांना घरी सोडण्यात आले.

राज्यात गेल्या २ दिवसात कोरोनाच्या सुमारे ७०० रुग्णांना घरी सोडण्यात आले आहे. सोमवारी आणि मंगळवारी अनुक्रमे ३५०आणि ३५४ रुग्णांना डिस्चार्ज देण्यात आला.सलग दोन दिवस एवढ्या मोठ्या संख्येने रुग्ण बरे होण्याची ही पहिलीच वेळ असून सुमारे सव्वा महिन्यात २८१९ रुग्णांना घरी सोडण्यात आले.

— Rajesh Tope (@rajeshtope11) May 6, 2020

उपचारानंतर सोमवारी ३५० जणांना तर मंगळवारी ३५४ जणांना रुग्णालयातून सुट्टी देण्यात आली. सलग दोन दिवसांमध्ये इतक्या मोठ्या संख्येने रुग्ण बरे होण्याची ही पहिलीच वेळ आहे. तसंच सव्वा महिन्यात सुमारे २ हजार ८१९ रुग्णांवर उपचार करून त्यांना घरी सोडण्यात आल्याची माहिती आरोग्यमंत्र्यांनी दिली.

राज्यात ९ मार्चला पहिला रुग्ण आढळून आल्यानंतर २५ मार्चला पहिल्यांदा पुणे येथील दोन रुग्णांना घरी सोडण्यात आले होते. त्यानंतर दररोज राज्यात कोरोनाबाधित रुग्ण बरे होण्याच्या प्रमाणात वाढ होत आहे. सोमवारी ४ मे रोजी पहिल्यांदाच ३५० रुग्णांना, तर लगेच दुसऱ्या दिवशी ३५४ रुग्णांना घरी सोडण्यात आले. राज्यातील ही आतापर्यंतची सर्वाधिक संख्या आहे.

News English Summary: The number of corona sufferers is increasing in the country as well as in the state. However, the number of patients recovering from coronary heart disease is also increasing. Health Minister Rajesh Tope said that more than 700 patients have been discharged in the last two days.

News English Title: Story Maharashtra State Health Minister Rajesh Tope Says 700 Corona Patients Discharge After Medications Highest Numbers News latest Updates.