पवारांच्या पाठिंब्याशिवाय वाधवान कुटुंबाला ते पत्र मिळणं अशक्य - किरीट सोमय्या

मुंबई, १० एप्रिल: लॉकडाउनची सक्तीनं अमलबजावणी केली जात असताना ‘डीएचएफएल’चे कपिल वाधवान यांच्यासह २३ जण सुटी घालवण्यासाठी महाबळेश्वरला गेल्याचं प्रकरण समोर आल्यानं खळबळ उडाली आहे. विशेष म्हणजे राज्याच्या गृह विभागाचे प्रधान सचिव अमिताभ गुप्ता यांनी वाधवान कुटुंबीयांना महाबळेश्वरला जाण्यासाठी परवानगी दिल्याचं उघड झालं आहे. यावरून विरोधी पक्षानं सरकारला धारेवर धरताच सरकारनं अमिताभ गुप्ता यांना तडकाफडकी सक्तीच्या रजेवर पाठवलं आहे.

गृहमंत्री अनिल देशमुख यांनी याबाबत ट्विट करत कायदा सर्वांसाठी समान असल्याचे नमूद केले. विशेष प्रधान सचिव अमिताभ गुप्ता यांच्या चौकशीचे आदेश देण्यात आले आहेत. वाधवान कुटुंबातील २३ लोकांना खंडाळा ते महाबळेश्वर जाण्याची परवानगी कशी मिळाली याची चौकशी करणार आहे. ही चौकशी पूर्ण होईपर्यंत अमिताभ गुप्तांना सक्तीच्या रजेवरच रहावे लागणार आहे.

भाजपचे माजी खासदार किरीट सोमय्या यांनी तर आता थेट राष्ट्रवादी काँग्रेसचे अध्यक्ष शरद पवार यांच्यावर गंभीर आरोप केले आहेत. शरद पवारांच्या पाठिंब्याशिवाय वाधवान कुटुंबाला गृह सचिवांकडून महाबळेश्वरला जाण्यासाठीचं परवानगी पत्र मिळणं अशक्य असल्याचे सांगितले आहे. शरद पवारांचा या सर्व प्रकरणामध्ये हात असल्याचा दावा किरीट सोमय्या यांनी केला आहे. त्यामुळे आता शरद पवार याबाबत प्रत्युत्तर देणार का याकडे सर्वांचे लक्ष लागले आहे.

I file criminal Complaint at mulund east police station, against Amitabh Gupta Home Secretary Maharashtra for protecting and honouring criminal absconders Wadhawan Brothers Demanded registration of FIR & arrest of Amitabh Gupta & Wadhawan Brothers @BJP4Maharashtra @Dev_Fadnavis pic.twitter.com/6Hf6XQxJlg

— Kirit Somaiya (@KiritSomaiya) April 10, 2020

#Wadhawan Brothers VVIP treatment scam by Thackeray Sarkar, Home Minister Anil Deshmukh should resign @BJP4Maharashtra @BJP4Maharashtra

— Kirit Somaiya (@KiritSomaiya) April 10, 2020

News English Summary: Former BJP MP Kirit Somaiya has now made serious accusations against Sharad Pawar, the president of NCP directly. Without the support of Sharad Pawar, the Wadhwan family has been told that it is impossible to get a permit from the Home Secretary to go to Mahabaleshwar. Kirit Somaiya has claimed that Sharad Pawar has been involved in all these cases. Therefore, now everyone is wondering whether Sharad Pawar will respond.

News English Title: Story BJP leader Kirit Somaiya said NCP President Sharad Pawar had hand his letter DHFL Wadhavan family Corona crisis News Latest Updates.