Gujarat Airport Video | मोदींचा फिल्मी गुजरात मॉडेल? अहमदाबाद एअरपोर्टची नदी झाली, सुटाबुटातील प्रवाशांचे बूट हातात

Gujarat Airport Video | गुजरातमध्ये गेल्या काही दिवसांपासून सुरू असलेल्या मुसळधार पावसामुळे अहमदाबाद विमानतळावर गुडघाभर पाणी साचल्याने पूरसदृश्य परिस्थिती निर्माण झाली आहे. ट्विटरवर शेअर करण्यात आलेल्या अनेक व्हिडिओंमध्ये मुसळधार पावसामुळे विमानतळ पाण्याखाली गेल्याचे, धावपट्ट्या आणि टर्मिनल भाग पाण्याखाली गेल्याचे दिसून येत आहे. सुटाबुटातील प्रवाशांवर बूट हातात घेण्याची वेळ आली. त्यामुळे नरेंद्र मोदी यांच्या गुजरात मॉडेलची पोलखोल झाली आहे.

विमानतळावर पाणी साचल्याने प्रवाशांना वेळेवर विमानापर्यंत पोहोचण्यात अडचणी येत होत्या. अधिकाऱ्यांनी प्रवाशांना त्यांच्या विमान कंपन्यांशी त्यांच्या उड्डाणांबद्दल तपासणी करण्यास सांगितले आहे. विमानतळ प्रशासनाने पाण्याने झाकलेलं विमातळाचं कामकाज सुरळीत पार पाडण्यासाठी धडपडत असताना लोकांना विमानतळावर धडपडत चालावं लागतंय.

एका ट्विटर युजरने लिहिले की, “आता अहमदाबाद विमानतळावरून विमाने उडणार नाहीत तर जहाजे धावतील… #HeavyRains अहमदाबाद आंतरराष्ट्रीय विमानतळावर पाणी साचले आहे. आणखी एकाने लिहिले की, “अहमदाबाद आंतरराष्ट्रीय विमानतळावर सध्या पूर आला आहे. अरे, आता @ArvindKejriwal दोषही देता येणार नाही.”

Ahmedabad International airport is flooded right now

Ohh ab toh @ArvindKejriwal ko blame bhi nahi kar sakate #HeavyRains #GujaratRain pic.twitter.com/mR4eXduYcx

— Ajinkya Vyawahare 🇮🇳 (@vajinkya16) July 22, 2023

Shared by a friend who landed at Ahmedabad airport at 10 pm. #AhmedabadRain pic.twitter.com/WsP9YpvG2z

— Kumar Manish (@kumarmanish9) July 22, 2023

अहमदाबाद विमानतळावर अपील दाखल
अहमदाबाद विमानतळाने आपल्या ट्विटमध्ये म्हटले आहे की, मुसळधार पाऊस आणि विमानतळाभोवती पाणी साचल्यामुळे आम्ही सर्व प्रवाशांना विनंती करतो की त्यांनी प्रवास सुरू करण्यापूर्वी आपापल्या एअरलाइन्सशी संपर्क साधावा. प्रवाशांना विमानतळावर पार्किंग टाळण्याचा सल्ला देण्यात आला आहे.

Due to heavy rains and water logging around the airport, we request all passengers to check with their respective airlines before starting their journey. Passengers are also advised to avoid parking at the airport facility. #AhmedabadAirport #PassengerFirst #PassengerAdvisory

— Ahmedabad Airport (@ahmairport) July 22, 2023

गेल्या ४८ तासांपासून सुरू असलेल्या संततधार पावसामुळे संपूर्ण शहर जलमय झाले असून, जनजीवन विस्कळीत झाले आहे. पाण्याच्या वाढत्या पातळीसह पुरामुळे विमानतळाच्या पायाभूत सुविधा विस्कळीत झाल्या आहेत, हजारो प्रवासी अडकून पडले आहेत आणि अनेकांच्या प्रवासाच्या नियोजनावर परिणाम झाला आहे.

News Title : Gujarat Airport Video Trending check details on 23 July 2023.