येडियुरप्पा यांनी विश्वासदर्शक ठराव जिंकला; कर्नाटकात कमळ फुलले

बंगळुरू : कर्नाटकात मुख्यमंत्री बी. एस. येडियुरप्पा यांनी आवाजी मतदानाने विश्वासदर्शक ठराव जिंकला आहे. कर्नाटकात सत्तास्थापनेचा दावा केल्यानंतर बी. एस. येडियुरप्पा यांनी मुख्यमंत्री म्हणून शुक्रवारी शपथ घेतली. त्यानंतर त्यांना विश्वासदर्शक ठराव जिंकण्यासाठी आजपर्यंतची मुदत देण्यात आली होती. जो त्यांनी आवाजी मतदानाने जिंकला आहे. त्यामुळे कर्नाटकात भारतीय जनता पक्षाचे सरकार कायम झाले आहे.

आज कर्नाटक विधानसभेत विश्वासदर्शक ठराव मांडण्यात आला. या ठरावत भाजपला १०६ मते पडली. तर काँग्रेस जेडीएस यांनी विरोधात मतदान केले. विरोधी बाजूकडे एकूण १०० मते पडली. त्यामुळे येडीयुरप्पा सरकारने विधानसभेत बहुमत सिद्ध करत सत्ता स्थापन केली आहे.

Karnataka Chief Minister BS Yediyurappa wins trust vote through voice vote. pic.twitter.com/DvzzMmYCqa

— ANI (@ANI) July 29, 2019

मुख्यमंत्रिपदाची शपथ घेतल्यानंतर येडियुरप्पा हे विधानसभेत बहुमत सिद्ध करू शकणार का याची उत्सुकता सर्वांना लागली होती. दरम्यान, आज विधानसभेत बहुमत सिद्ध करू, असा विश्वास येडियुरप्पांनी व्यक्त केला होता आणि तो सत्यात उतरला आहे. त्यामुळे आता कर्नाटकमध्ये देखील भारतीय जनता पक्षाची राजवट सुरु झाली आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.