शिक्षणमंत्र्यांचं गणित बघा; ७००० गुणिले १२ बरोबर ७२ हजार?

पालघर : महाराष्ट्राचे शिक्षण मंत्री विनोद तावडे पुन्हा एकदा सामान्यांच्या टीकेचे लक्ष झाले आहेत. ययाधी ते त्यांच्या पदवीवरून तर कधी त्यांच्या शिवराळ भाषेवरून नेहमीच वादात अडकले आहेत. आज पुन्हा पालघरमध्ये काँग्रेसच्या न्याय योजनेचा गुणाकार उपस्थितांन समोर करत असताना स्वतःच गणित देखील कच्च असल्याचं दाखवून दिलं आहे. त्यावरून उपस्थितांमध्ये तावडेंच्या शिक्षणावरून पुन्हा कुजबुज सुरु झाली होती.

पालघरमध्ये भारतीय जनता पक्षकाडून उमेदवारीसाठी शिवसेनेत गेलेले युतीचे उमेदवार राजेंद्र गावित यांनी आज पालघर लोकसभा मतदारसंघातून उमेदवारी अर्ज दाखल केला. यावेळी शालेय शिक्षण मंत्री विनोद तावडे हे देखील उपस्थित होते. यावेळी त्यांनी काँग्रेस अध्यक्ष राहुल गांधी यांच्या न्याय योजनेवर टीका केली. मात्र, काँग्रेसची योजना मांडताना आणि त्यातील गणित लोकांना समजावताना त्यांचं स्वतःचा गुणाकारच चुकला आणि उपस्थितांमध्ये एकच हशा झाली.

राहुल गांधी यांनी गरिबांच्या खात्यात महिन्याला ७,००० रुपये जमा करण्याची घोषणा केल्याने वर्षाला प्रत्येकाच्या खात्यात ७२,००० जमा होणार आहेत.’, असे विधान राज्याच्या शिक्षण मंत्र्यांनी केले आणि उपस्थित लोकं देखील हसू लागली. या वक्तव्यामुळे शिक्षण मंत्र्यांचा गुणाकारच कच्चा असल्याची चर्चा पालघरमध्ये रंगली आहे.