मुलीने लग्नाला दिला नकार | म्हणून मुलाने धावत्या रेल्वेतून ढकलण्याचा केला प्रयत्न

मुंबई, २१ फेब्रुवारी: प्रेमात अपयशी ठरलेल्या सुमेध जाधव या मुलाने 21 वर्षाच्या मैत्रिणीला धावत्या ट्रेनमधून खाली ढकलण्याचा प्रयत्न केला. पण अयशस्वी झाल्याने तो पळून गेला. परंतु, थोड्या वेळाने रेल्वे पोलिसांनी आरोपीला पकडले. ही घटना मुंबईतील खार रेल्वे स्टेशनची आहे. स्टेशन प्लॅटफॉर्मवर बसवलेल्या सीसीटीव्ही कॅमेऱ्यात ही संपूर्ण घटना टिपण्यात आली आहे.

प्रसार माध्यमांना मिळालेल्या माहितीनुसार, मुलगा व मुलगी दोघेही एका कंपनीत काम करत होते. दोघे एकमेकांना दोन वर्षांपासून ओळखत होते. काही दिवस भेटल्यानंतर मुलाने मुलीशी लग्नाचा प्रस्ताव दिला. दरम्यान, मुलगा दारू पित असल्याचे मुलीला कळाले. त्यानंतर मुलीने स्वत: ला मुलापासून दूर केले आणि लग्नाचा प्रस्ताव नाकारला. त्यानंतर मुलाने मुलीला त्रास देणे सुरू केले. त्याने मुलीचा पाठलाग सुरू केला. याप्रकरणी मुलीच्या कुटूंबाच्या वतीने निर्मल नगर पोलिस ठाण्यात तक्रार देखील दाखल करण्यात आली होती. हा खटला दाखल झाल्यानंतर काही दिवस तो शांत होता. पण त्याने पुन्हा एकदा मुलीला त्रास देणे सुरू केले.

वांद्रे जीआरपीचे वरिष्ठ पोलिस निरीक्षक विलास चौगुले यांनी सांगितले की, मुलगी शुक्रवारी खार रेल्वे स्थानकात पोहोचली. यावेळी आरोपी सुमेध जाधवही तेथे पोहोचला. त्याने आधी स्वत: ट्रेनच्या पुढे उडी मारण्याचे नाटक केले आणि नंतर त्या मुलीला धावत्या ट्रेनच्या खाली ढकलण्याचा प्रयत्न केला. यावेळी रेल्वे पोलिसच्या जवानांनी मुलीची सुटका केली. तिच्या डोक्यावर 12 टाके पडले. दुसरीकडे, गुन्हा घडवून आणल्यानंतर सुमेध घटनास्थळावरून फरार झाला. या प्रकरणाची माहिती मिळाल्यानंतर पोलिसांनी तपास सुरू केला आणि आरोपी सुमेध यादव याला अटक केली.

News English Summary: Sumedh Jadhav, who failed in love, tried to push his 21-year-old girlfriend down from the running train. But failing that, he ran away. But, after a while, the railway police caught the accused. The incident took place at Khar railway station in Mumbai. The whole incident was recorded on a CCTV camera mounted on the station platform.

News English Title: Failed in love tried to push his 21 year-old girlfriend down from the running train news updates.