संकटकाळात राष्ट्रवादीचा महाराष्ट्रधर्म | लोकप्रतिनिधींचे 1 महिन्याचे वेतन आणि पक्षाच्या वतीने 1 कोटी रुपये मुख्यमंत्री सहायता निधीला

मुंबई, ३० एप्रिल | महाराष्ट्र काँग्रेसने लसीकरणासाठी मुख्यमंत्री सहायता निधीत मोठी मदत जाहीर केल्यानंतर, आता राष्ट्रवादी काँग्रेसनेही पेटारा उघडला आहे. राष्ट्रवादी काँग्रेसचे अध्यक्ष शरद पवार यांनी रुग्णालयातून डिस्चार्ज मिळाल्यानंतर, मुख्यमंत्री सहायत फंडात निधी देण्याबाबत पक्षाला सूचना केल्या. त्यानुसार राष्ट्रवादीने दोन कोटी रुपयांचा निधी सीएम फंडात दिला आहे.

लसीकरणासाठी मदत व्हावी यासाठी राष्ट्रवादीकडून एकूण दोन कोटी रुपयांचा निधी मुख्यमंत्री सहाय्यता निधीस देण्यात येत आहे, अशी माहिती राष्ट्रवादी काँग्रेसचे प्रदेशाध्यक्ष जयंत पाटील यांनी दिली. ज्यांना शक्य आहे, ज्यांना लसीचा खर्च परवडणार आहे अशांनी मुख्यमंत्री सहाय्यता निधीला मदत करून राज्यावरील आर्थिक भार कमी करावा असे आवाहन जयंत पाटील यांनी केलं.

संकटकाळात राज्याच्या पाठीशी खंबीरपणे उभा राहण्याची राष्ट्रवादी काँग्रेस पक्षाची परंपरा आहे. राज्य संकटात असताना राज्यातील सर्व जनतेचे मोफत लसीकरण व्हावे यासाठी सर्व लोकप्रतिनिधींचे 1 महिन्याचे वेतन व पक्षाच्या वतीने 1 कोटी रुपये CMRF मध्ये देण्यात आले आहेत. #महाराष्ट्रधर्म pic.twitter.com/Pm7CBwDnTb

— Rupali Chakankar (@ChakankarSpeaks) April 30, 2021

राष्ट्रवादी काँग्रेसचे विधानसभा आणि विधान परिषदेचे सर्व आमदार तसेच सर्व खासदार एक महिन्याचे वेतन सीएम फंडात देणार आहेत. लसीकरणासाठी मदत व्हावी यासाठी राष्ट्रवादीकडून एकूण दोन कोटी रुपयांचा निधी मुख्यमंत्री सहाय्यता निधीस देण्यात येत आहे. ज्यांना शक्य आहे, ज्यांना लसीचा खर्च परवडणार आहे अशांनी मुख्यमंत्री सहाय्यता निधीला मदत करून राज्यावरील आर्थिक भार कमी करावा असे आवाहन, जयंत पाटील यांनी केलं.

News English Summary: The NCP is standing firmly behind the state in times of crisis. In order to ensure free vaccination of all the people in the state when the state is in crisis, 1 month salary of all the people’s representatives and Rs. 1 crore has been given in CMRF on behalf of the party.

News English Title: NCP has donated rupees 2 crore to Chief minister relief fund during corona pandemic news updates.