राज्यात कोरोनास्थिती बिघडत असल्याने कडक निर्बंध

मुंबई, १५ मार्च: महाराष्ट्रातील कोरोना संसर्गाचा वेग दिवसेंदिवस काहीसा वाढताना दिसत आहे. दररोज मोठ्याप्रमाणावर करोना रूग्ण आढळून येत आहेत. तर, मृत्यूंच्या संख्येतही भर पडतच आहे. या पार्श्वभूमीवर राज्य सरकार निर्बंध अधिक कडक करण्याच्या तयारीत आहे. आरोग्यमंत्री राजेश टोपे यांनी देखील तसा इशारा दिला आहे.

परिणामी राज्यातील हॉटेल्स, रेस्टॉरंट्स आणि सिनेमागृहांमध्ये केवळ क्षमतेच्या ५० टक्केच लोकांनाच परवानगी देण्यात आली आहे. तर राज्यात कोणत्याही राजकीय, सामाजिक आणि धार्मिक कार्यक्रम घेण्यास बंदी घालण्यात आली आहे. राज्यात विवाह सोहळ्यांना गर्दी होत असल्याचं निदर्शनास आल्यानं पुन्हा एकदा उपस्थितांच्या संख्येवर मर्यादा घालण्यात आल्या आहेत. राज्यात आता विवाह सोहळ्यास फक्त ५० जणांना उपस्थित राहता येणार आहे. तर अंत्यसंस्कारासाठी केवळ २० जणांना उपस्थित राहता येणार आहे.

विशेष म्हणजे मुंबई आणि पुण्यासारख्या मोठ्या शहरातील कोरोना रुग्णांच्या संख्येत सातत्याने वाढ होत आहे. अशावेळी लोकांनी काळजी घेतली नाही तर लॉकडाऊनशिवाय पर्याय नसल्याचं लोकप्रतिनिधी आणि प्रशासनाकडून सांगण्यात येत आहे. गेल्या काही दिवसांत या दोन्ही शहरात कोरोना विषाणूचा संसर्ग वाढत असल्याने प्रशासनाकडून काही निर्बंधही लावण्यात आले आहेत.

News English Summary: The rate of corona infection in Maharashtra seems to be increasing day by day. A large number of corona patients are being found every day. So, the number of deaths is also increasing. Against this backdrop, the state government is preparing to tighten restrictions. Health Minister Rajesh Tope has also given such a warning.

News English Title: Maharashtra state corona situation getting negative day by day news updates.