मीडियात झाकलं जातंय, पण मध्य प्रदेश आणि राजस्थान भाजपमध्ये उभी फूट पडल्याचं वृत्त, दिल्ली भाजपाही चिंतेत
Lok Sabha Election | लोकसभा निवडणुका ७-८ महिन्यांवर येऊन पोहोचल्या आहेत, तसेच नोव्हेंबर मध्ये मध्य प्रदेश, राजस्थान, छत्तीसगड, तेलंगणा आणि त्रिपुरा राज्यांमध्ये विधानसभा निवडणूक पार पडणार आहेत. मात्र दुसऱ्या बाजूला दिल्लीतील भाजप वरिष्ठांची चिंता प्रचंड वाढल्याचं खात्रीलायक वृत्त आहे.
राज्यातील मुद्यांवर भाजपाला पराभवाची भीती म्हणून….
पाच पैकी मध्य प्रदेश, राजस्थान आणि छत्तीसगड ३ राज्यांमध्ये भाजपाला दारुण पराभव होण्याची भीती सतावत असल्याचं वृत्त आहे. तसेच या तीन राज्यांमध्ये काँग्रेसचं स्थानिक पातळीवरील पक्ष संघटन अत्यंत मजबूत स्थितीत आहे. मोठा पराभव झाल्यास पुचे येणाऱ्या लोकसभा निवडणुकीतही मोठा धक्का बसेल या भीतीने मोदी-शहा चिंतेत असल्याचं खात्रीलायक वृत्त आहे. त्यामुळे आगामी ५ राज्यांच्या विधानसभा निवडणुका आणि लोकसभा निवडणूक एकत्र होण्याची रणनीती भाजप आखात आहे. कारण मध्य प्रदेश आणि राजस्थान भाजपमध्ये उभी फूट पडली असून येथील परिस्थिती मोदी-शहा यांच्या हातातही नाही असं खात्रीलायक वृत्त आहे.
मात्र गोदी मीडियाला यावर भाष्य न करण्याचे आदेश असल्याचं म्हटलं जातंय. तर छत्तीसगड मध्ये भाजपाकडे स्थानिक चेहराच नसल्याने सर्वकाही ED भरोसे असून, काँग्रेसचे नेते स्वतःकडे खेचण्याच्या हालचाली भाजपमध्ये सुरु झाल्या आहेत. मात्र, छत्तीसगडच्या मुख्यमंत्र्यांनी ED धाडीनंतर कॅबिनेटमंत्र्यांसोबत एकत्र पत्रकार परिषद घेऊन ED धाडीचा आणि अदाणींचं कनेक्शन उघड करून भाजपाला चितपट केल्याने ती देखील अशा मावळली आहे. तसेच त्याच निवडणुकीवेळी महाराष्ट्राच्या निवडणुका देखील घेतल्या जातील अशी खात्रीलायक बातमी.
भाजपची तयारीही वेगवान असल्याने नितीश आणि ममता बॅनर्जी यांच्यासारख्या नेत्यांनाही मुदतपूर्व निवडणुकीची शंका आधीच व्यक्त केली आहे. त्या लवकरच लोकसभेचा उमेदवार ठरविण्यास विरोधकांनी सुद्धा सुरुवात केली आहे. इतकंच नाही तर ज्या प्रकारे एलपीजी गॅसच्या किंमतीत 200 रुपयांची कपात करण्यात आली आहे आणि पंतप्रधान नरेंद्र मोदी स्वत: सर्व योजनांचे उद्घाटन करत आहेत. त्यामुळे सध्या पराभवाच्या भीतीने ‘राजा’ घाबरल्याची देखील चर्चा आहे. भाजपच्या संसदीय पक्षाच्या बैठकांमध्येही पंतप्रधान नरेंद्र मोदी सातत्याने खासदारांना संदेश देत आहेत की, त्यांनी जनतेत जाऊन सरकारच्या योजनांचा प्रचार करावा. गेल्या काही महिन्यांपासून भाजप निवडणुकीच्या मोडमध्ये असल्याचे स्पष्ट झाले असून यामुळे विरोधकांच्या भीतीत वाढ होत आहे.
मध्य प्रदेशात माजी मंत्र्यांच्या घरातील नेते मंडळी काँग्रेसमध्ये
मध्य प्रदेशातील विधानसभा निवडणुका जसजशा जवळ येत आहेत, तसतसे तिकिटाची आशा सोडलेले भाजपचे अनेक नेते काँग्रेसपक्षात प्रवेश करत आहेत. दरम्यान, भाजपचे माजी मंत्री जुगल किशोर बागरी यांचे चिरंजीव देवराज, सून वंदना बागरी, निवारी जिल्हा पंचायत सदस्या रोशनी यादव यांच्यासह शिवपुरीतील भाजपच्या अनेक नेत्यांनी गुरुवारी प्रदेश काँग्रेस कार्यालयात काँग्रेस पक्षात प्रवेश केला. यापूर्वी अनेक भाजपच्या दिग्गज नेत्यांनी काँग्रेसमध्ये प्रवेश केला आहे. एवढंच नव्हे तर मध्य प्रदेशचे मुख्यमंत्री यांच्या विरोधातील भाजप लॉबी देखील खुलेआम भाजपाच्या दिल्लीश्वरांना धमकी देत काँग्रेसमध्ये प्रवेश करण्यासाठी डेडलाईन देतं आहेत. मध्य प्रदेशात RSS चा मोठा गट थेट मोदी-शहा यांच्या एकाधिकार शाहीविरोधात भाजप कार्यालयातच बैठक घेत असल्याची माहिती देखील समोर आली आहे.
राजस्थान भाजपमध्ये वादळ
भाजपची परिवर्तन यात्रा २ सप्टेंबरपासून राजस्थानमध्ये सुरू होणार आहे. पक्षाने वसुंधरा राजे यांना मोठी जबाबदारी दिलेली नाही. त्यांच्या दुर्लक्षामुळे वसुंधरा राजे नाराज असल्याची चर्चा आहे. अमित शहा, नितीन गडकरी, राजनाथ सिंह आणि जेपी नड्डा चारही दिशांनी परिवर्तन यात्रा सुरू करतील. विशेष म्हणजे यावेळी बदलाच्या प्रवासाचा चेहरा नाही. गेहलोत सरकारच्या दुसऱ्या कार्यकाळाच्या विरोधात काढण्यात आलेल्या परिवर्तन यात्रेचा मुख्य चेहरा वसुंधरा राजे होत्या. यावेळी वसुंधरा राजे यांना डावलण्यात आले आहे. केंद्रीय मंत्री शेखावत सांगत आहेत की, विधानसभा निवडणूक पंतप्रधान मोदींच्या चेहऱ्यावर लढवली जाईल. त्यामुळे राजस्थानमध्ये गुजरात लॉबी विरोधात प्रचार सुरु झाला आहे.
राजस्थानमध्ये भाजपमध्ये दोन गट पडले
विधानसभा निवडणुकीपूर्वी वसुंधरा राजे मैदानात कमी सक्रिय आहेत. विशेष म्हणजे वसुंधरा राजे यांची समजूत काढण्याचा प्रयत्न भाजपचा कोणताही ज्येष्ठ नेता करताना दिसत नाही. नुकतेच अमित शहा यांनी गंगापूर शहराला भेट दिली, मात्र वसुंधरा राजे समर्थकांनी या कार्यक्रमापासून अंतर ठेवले. अमित शहा यांनीही मन वळवण्याचा प्रयत्न केला नाही. मात्र, वसुंधरा राजे गटाच्या एका नेत्याने नाव न छापण्याच्या अटीवर सांगितले की, वसुंधरा राजे भाजप वरिष्ठांवर प्रचंड नाराज आहेत. वसुंधरा राजे दोनवेळा मुख्यमंत्री, केंद्रीय मंत्री आणि प्रदेशाध्यक्ष झाल्या आहेत. असे असूनही निवडणुकीकडे दुर्लक्ष केले जात आहे. त्या नेत्यांना वसुंधरा राजे प्रोत्साहन देत आहेत आणि आज ते वसुंधरा राजेंना खुले आव्हान देत आहेत.
News Title : BJP divided in two groups in Madhya Pradesh and Rajasthan check details on 30 August 2023.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Stocks To Buy | बँक FD किती वार्षिक व्याज देईल? पण या बँकेचा शेअर अल्पावधीत 35 टक्के परतावा देईल
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Jio Financial Services Share Price | जिओ फायनान्शियल शेअरमध्ये चढ-उतार, स्टॉक पुढे तेजीत वाढणार की घसरणार?
- Talbros Auto Share Price | टॅलब्रोस कंपनीची ओरडारबुक मजबूत होताच शेअर्स तेजीत, 2 दिवसात 10 टक्के परतावा
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Infosys Share Price | भरवशाचा इन्फोसिस शेअर उसळी घेणार, दिग्गज ब्रोकिंग तज्ज्ञांकडून मोठी टार्गेट प्राईस जाहीर
- Stocks in Focus | मार्ग श्रीमंतीचा! हे टॉप 5 बँकिंग शेअर्स तुम्हाला अल्पावधीत 38 टक्केपर्यंत परतावा देतील, संधी सोडू नका
- Reliance Power Share Price | अवघ्या 4 वर्षात 2325 टक्के परतावा दिला, शेअर प्राईस 26 रुपये, पुढे तेजी येणार का?