चिंता वाढली! देशात १२ तासात २४० कोरोनाग्रस्त वाढले आहेत

नवी दिल्ली, ०१ एप्रिल: देशात १२ तासात २४० कोरोनाग्रस्त वाढले आहेत, त्यामुळे कोरोनाग्रस्तांची एकूण संख्या आता १६३७ वर गेली आहे. तर आत्तापर्यंत ३८ जणांचा मृत्यू झाला आहे. देशाच्या दृष्टीने ही अतिशय चिंता वाढवणारी बातमी आहे. दरम्यान १६३७ रुग्णांपैकी १३३ जण बरे झाले आहेत अशीही माहिती मिळते आहे. केंद्र सरकारच्या आरोग्य आणि कुटुंब कल्याण मंत्रालयाने ट्विट करुन ही माहिती दिली आहे. काल रात्रीपर्यंत रुग्णांची संख्या १३९७ होती. मात्र मागील १२ तासात २४० ने ही संख्या वाढली आहे.

Increase of 240 #COVID19 cases in the last 12 hours. Total number of #COVID19 positive cases rise to 1637 in India (including 1466 active cases, 133 cured/discharged/migrated people and 38 deaths): Ministry of Health and Family Welfare pic.twitter.com/6fi9XAoJOg

— ANI (@ANI) April 1, 2020

दुसरीकडे गेल्या दोन दिवसात मुंबई आणि आसपासच्या परिसरात कोरोनाचे रुग्ण मोठ्या प्रमाणावर सापडले आहेत. त्यामुळे या रुग्णांचे वास्तव्य असलेल्या परिसरात कोरोनाचा फैलाव होऊ नये म्हणून प्रशासनाने कठोर पावले उचलली आहेत. काल वरळी कोळीवाडा येथील परिसरात कोरोनाचे काही संशयित सापडल्यानंतर हा परिसर सील करण्यात आला होता. तर गोरेगावमधील बिंबिसारनगर हा परिसरसुध्दा कोरोनाचे दोन रुग्ण सापडल्यानंतर लॉक करण्यात आला होता. दरम्यान, मुंबईत आतापर्यंत सुमारे १४० रहिवासी भाग सील करण्यात आले आहेत. मुंबईप्रमाणेच ठाणे, डोंबिवली, नवी मुंबई आणि वसई-विरार या शहरातील काही भागसुद्धा सील करण्यात आले आहेत.

News English Summary: The country has grown to 240 coroners in 12 hours, so the total number of coronary cases has now increased to 1637. So far 38 people have died. This is very worrying news for the country. Meanwhile, 133 out of 1637 patients are reported to have recovered. The central government’s health and family welfare ministry has tweeted this information. The total number of patients till last night was 1397. However, the number has increased by 240 in the last 12 hours.

News English Title: Story increase of 240 Covid19 cases in the last 12 hours total number of positive cases rise to 1637 in India News latest Updates.