अमेरिका कोरोनासमोर हतबल, आतापर्यंत ५४,००० जणांचा मृत्यू

वॉशिंग्टन, २७ एप्रिल: जगात कोरोनाचा कहर सुरु असताना दिवसेंदिवस कोरोना रुग्णांची वाढती धक्कादायक आकडेवारी समोर येत आहे. जगभरात कोरोनामुळे मृत्यू झालेल्यांचा आकडा २ लाख ५ हजार ९६५ वर पोहचला आहे. तर जगात आतापर्यंत २९ लाख ७२ हजार ५५ जणांना कोरोनाची लागण झाली आहे.

अमेरिकेत गेल्या २४ तासांत कोरोना विषाणूचा संसर्ग झाल्यानं १ हजार ३३० लोकांचा मृत्यू झाला आहे, अशी आकडेवारी रविवारी जॉन्स हॉपकिन्स युनिव्हर्सिटीनं रात्री उशीरा जाहीर केली. अमेरिकेत आता कोरोना विषाणूच्या संसर्गानं मृत्युमुखी पडलेल्यांचा आकडा हा ५४ हजार ८४१ वर पोहोचला आहे तर ९ लाख ६४ हजार ९३७ लोकांना कोरोनाची बाधा झाली आहे.

काही महिन्यांपूर्वी कोविड -१९चा पहिला रुग्ण चीनच्या वुहानमधील रूग्णालयात दाखल झाला आणि तिथून कोरोना साथीचा हा आजार अवघ्या जगभरात पसरला. वृत्तसंस्था पीटीआयने, चीनची अधिकृत न्यूज एजन्सी शिन्हुआच्या हवाल्यानं म्हटलं आहे की, वुहानमध्ये कोविड -१९चा आता एकही रुग्ण शिल्लक नाही. ७६ दिवस म्हणजेच किमान अडीच महिन्याच्या लॉकडाऊननंतर अखेर 8 एप्रिलला वुहानमध्ये लॉकडाऊन उघण्यात आलं.

News English Summary: As the scourge of corona begins in the world, the number of corona patients is increasing day by day. The death toll from corona worldwide has reached 2 lakh 5 thousand 965. So far, 29 lakh 72 thousand 55 people have been infected with corona in the world.

News English Title: Story over 54000 Covid 19 deaths in hardest hit America News Latest Updates.