अंधेरी-पूर्व गणेशवाडी SRA घोटाळा; आकृती बिल्डर आणि MIDC अधिकाऱ्यांच्या संगनमताने? सविस्तर
मुंबई: मुंबई अंधेरी पूर्व येथील गणेशवाडी परिसरातील आकृती बिल्डर संबंधित SRA घोटाळा झाल्याचे वृत्त आहे. याबद्दलची सविस्तर हकीकत जाणण्यासाठी स्थानिक झोपडपट्टी धारकांच्या न्याय हक्कांसाठी लढणारे समाजसेवक मनोज नायक यांनी समाज माध्यमांचा वापर करत एक पोस्ट शेअर केल्याने महाराष्ट्रनामा न्युजच्या प्रतिनिधीने संपूर्ण विषयाची पडताळणी केली.
दरम्यान, आमच्या प्रतिनिधीला प्राप्त झालेल्या माहितीनुसार मागील १० वर्षांपेक्षा अधिक कालावधीपासून आकृती बिल्डर हा विकासक MIDC’च्या अखत्यारीतील अंधेरी (पूर्व) एमआयडीसी गणेशवाडी आणि आंबेडकर नगर येथे प्रकल्प राबवत आहे. प्राप्त झालेल्या सविस्तर माहितीनुसार, गणेशवाडी पॉकेट क्रमांक.५ येथे एकूण तीन बिल्डिंगचे काम सुरु असून, अद्याप केवळ २ बिल्डिंग तयार आहेत. विशेष म्हणजे १० वर्षांहून अधिक कालावधी उलटून देखील आकृती बिल्डरवर कोणतीही कायदेशीर कारवाई झालेली नाही.
तत्पूर्वी आकृती बिल्डरने, दरम्यानच्या कालावधीत आकृती सिटी, आकृती हब आणि आकृती निर्माण अशी कंपन्यांची वेगवेगळी नावं मागील २० वर्षात बदलण्यामागचे मूळ कारण यातील संगनमताने होतं असलेले घोटाळेच असल्याचं म्हटलं जातं आहे. विशेष म्हणजे याच ठिकाणी MIDC’चे मुख्य कार्यालय आणि आकृती बिल्डरचे मुख्य कार्यालय हाकेच्या अंतरावर आहेत. तरी देखील झोपडपट्टी धारकांना त्यांच्या घराचा ताबा आणि ९ वर्षांपासून आकृती बिल्डरने भाडे देखील थकवले असून देखील MIDC’चे अधिकारी आणि तसेच स्थानिक राजकीय व्यक्तींच्या दबावामुळे आकृती बिल्डरवर अद्याप कोणतीही कारवाई करण्यात आलेली नाही.
मात्र धक्कादायक गोष्ट म्हणजे स्थानिक झोपडपट्टी धारकांच्या तक्रारी वाढल्याने आकृती बिल्डरने MIDC येथील कार्यालय इतरत्र हलवल्याचे समोर आलं. MIDC’चे उप निबंधक सुधीर आंबुरे यांच्या अंधेरी पूर्व येथील उदयोग सारथी या कार्यालयावर लोकांच्या तक्रारी एकूण न घेता, त्यांनी जवाबदारी झटकत कार्यालयाच्या दरवाजावर एक कागद लावला असून त्यावर कोणतीही तक्रार असल्यास आकृती बिल्डरचे ‘केवल वलंबिया’ या व्यक्तीचा मोबाईल क्रमांक देऊन थेट त्यांच्याशीच संपर्क करावा असं पत्रकात लावलं आहे आणि आमच्या प्रतिनिधीने देखील त्याची खात्री केली, जे खरं ठरलं.
यापूर्वी आकृती बिल्डरकडे असणारे मिश्रा यांच्याकडे असणाऱ्या माहितीनुसार गणेशवाडी येथे पॉकेट क्रमांक. ५ बिल्डिंग क्रमांक. १ आणि २ यांची अद्यापपर्यंत १०८ घरांची लॉटरी काढण्यात आली ती देखील स्थानिक विभागात न काढता थेट जोगेश्वरी येथे का काढण्यात आली त्याचे कारण समजू शकले नाही. तसेच MIDC’च्या कार्यालयात उप-निबंधक सुधीर आंबुरे यांच्या उपस्थितीत काही मोजक्याच लोकांना माहिती देण्यात आली आणि इतर झोपडपट्टी धारकांना कोणतीही पूर्व सूचना वा नोटीस न देताच सदनिकांच्या ड्रॉ काढण्यात आला.
तीन एसआरए बिल्डिंग’मध्ये एकूण ३०० सदनिका असून केवळ १४६ जणांना लॉटरी’मध्ये घर मिळाले आहे. इतर मूळ झोपड्पट्टीधारक आकृतीचे केवल वलंबिया यांच्याशी संपर्क करण्याचा प्रयत्न करतात तेव्हा ते कोणताही पूर्व इतिहास माहित नसताना पात्र लोकांना देखील उडवाउडवीची उत्तर देतात. त्याला मूळ कारण म्हणजे MIDC’चे अधिकारी आणि आकृती बिल्डरसोबत हितसंबंध असलेले स्थानिक राजकीय नेते यांची मिलीभगत अशी चर्चा स्थानिक लोकांमध्ये रंगली आहे.
दरम्यान, आकृती बिल्डरच्या या घोटाळ्याची माहिती देण्यासाठी आणि पात्र झोपडपट्टी धारकांना न्याय मिळवून देण्यासाठी स्थानिक लोकांची एक समिती लवकरच संबंधित वरिष्ठांची भेट घेऊन याबाबत लेखी तक्रार करणार असल्याचे समजते.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Reliance Power Share Price | अवघ्या 4 वर्षात 2325 टक्के परतावा दिला, शेअर प्राईस 26 रुपये, पुढे तेजी येणार का?
- Reliance Infra Share Price | 2 दिवसात रिलायन्स इन्फ्रा शेअर 36 टक्के घसरला, पण स्टॉकला 'या' प्राईसवर सपोर्ट
- Varun Beverages Share Price | मार्ग श्रीमंतीचा! या शेअरने अल्पावधीत दिला 50% परतावा, स्टॉक पुढे किती फायद्याचा?
- Ambuja Cement Share Price | अदानी ग्रुपचा सिमेंट शेअर! कंपनीने नवीन अपडेट दिली, शेअर 35 टक्के वाढणार
- Tinna Rubber Share Price | श्रीमंत करतोय हा शेअर! 3 वर्षात 1 लाख रुपयाच्या गुंवतवणुकीवर दिला 4.42 कोटी परतावा
- Lorenzini Apparels Share Price | 27 रुपयाच्या शेअरची कमाल, मल्टिबॅगर परताव्यसह स्टॉक स्प्लिट आणि बोनस शेअर्सचा लाभ
- Numerology Horoscope | 16 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा मंगळवारचा दिवस कसा असेल
- Numerology Horoscope | 18 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा गुरुवारचा दिवस कसा असेल