सध्या तरी विद्यार्थ्यांना ऑनलाईन शिक्षणच, शासनाकडून मार्गदर्शक सूचनांचा अध्यादेश

मुंबई, २३ जुलै : कोरोना संकटामुळे शाळा, महाविद्यालये बंद आहेत. मात्र, राज्यात अनेक ठिकाणी ऑनलाईन शिक्षणावर भर देण्यात येत आहे. ऑनलाई शिक्षणातून पाचवीपर्यंतच्या वर्गांना सूट देण्यात आली होती. मात्र, आता शिक्षण विभागाने सुधारित वेळापत्रक जाहीर केले आहे. तसा शासन निर्णय जारी केला आहे. त्यामुळे इयत्ता दुसरीपर्यंतच्या वर्गासाठी सुद्धा ऑनलाईन शिक्षणाचे धडे मिळणार आहेत. ३० मिनिटे ऑनलाईन शिक्षण घेण्यास परवानगी देण्यात आली आहे. यात १५- १५ मिनिटांचे दोन वर्ग घेण्याच्या सूचना करण्यात आल्या आहेत.

राज्य शिक्षण विभागाकडून १५ जूनपासून यंदाचे शैक्षणिक वर्ष सुरू करण्यात येत असल्याचे जाहीर करुन ऑनलाईन शिक्षण देण्यासंदर्भात अध्यादेश जारी करण्यात आला आहे. त्यानुसार, १ ली ते १२ वी पर्यंतच्या विद्यार्थ्यांना ऑनलाईन शिक्षणासाठी तारखाही जाहीर करुन देण्यात आल्या आहेत. आता, या विद्यार्थ्यांच्या ऑनलाईन शिक्षणासाठी काही मार्गदर्शक सूचना शिक्षण विभागाने देऊ केल्या आहेत. त्याचा, अध्यादेशही २२ जुलै रोजी काढण्यात आला आहे. त्यानुसार, पूर्व प्राथमिक विद्यार्थ्यांसाठी सोमवार ते शुक्रवार दररोज ३० मिनिटे ऑनलाईन क्लास घेण्यात येईल. त्यामध्ये, पालकांशी संवाद व त्यांना मार्गदर्शन करण्याचे निर्देश देण्यात आले आहेत.

ऑनलाईन शिक्षणासाठी राज्यातील शाळांसाठी मार्गदर्शक सूचनांचा शासन निर्णय निर्गमित करण्यात आला. विद्यार्थी हित व आरोग्य लक्षात घेऊन हा निर्णय घेण्यात येत आहे. #OnlineClasses @CMOMaharashtra @scertmaha pic.twitter.com/6lQbVefXLG

— Varsha Gaikwad (@VarshaEGaikwad) July 23, 2020

पूर्व प्राथमिक ते दुसरीपर्यंतच्या वर्गाला ऑनलाईन शिक्षण देणाऱ्या शाळांवर कारवाई करु नये असे अंतरिम आदेश उच्च न्यायालयाने दिल्यानंतर शिक्षण विभागाने यू-टर्न घेतला आहे. उच्च न्यायालयाच्या सूचनेनंतर शिक्षण विभागाने बुधवारी नवीन परिपत्रक जाहीर केले. आता पूर्व प्राथमिक आणि पहिली, दुसरीसाठी सुद्धा ऑनलाईन वर्ग घेण्याचे वेळापत्रक दिले आहे. यामध्ये तिसरी ते आठवीच्या विद्यार्थ्यांची ४५ मिनिटांची दोन सत्रे शाळा घेऊ शकणार आहेत. नववी ते बारावीच्या विद्यार्थ्यांची ४५ मिनिटांची एकूण चार सत्रे शाळा घेऊ शकणार असल्याचे परिपत्रकात नमूद म्हटले आहे.

शिशू ते बारावीपर्यंत ऑनलाईन शिक्षण; असे आहे वेळापत्रक.#Maharashtra #OnlineEducation #TimeTable pic.twitter.com/QHHkv0mG3Z

— महाराष्ट्रनामा न्यूज (@MahaNewsConnect) July 23, 2020

News English Summary: Online learning lessons will also be available for classes up to class II. 30 minutes of online learning is allowed. It is suggested to take two classes of 15 minutes each.

News English Title: Ordinance of guidelines from the government for online education of students News Latest Updates.