राज्य मंत्रिमंडळ बैठकीला हजेरी लावणाऱ्या मंत्र्याला कोरोनाची लागण; रिपोर्ट पॉझिटिव्ह

मुंबई, २२ एप्रिल: मुख्यमंत्री उद्धव ठाकरे यांच्या सरकारमधील एका मंत्र्याला कोरोनाची लागण झाली आहे. धक्कादायक म्हणजे या मंत्र्याने सोमवारीच मंत्रालयामध्ये एका बैठकीला हजेरी लावल्याने खळबळ उडाली आहे. या मंत्र्याची तब्येत मंगळवारी काहीशी बिघडली होती. यामुळे त्यांच्यावर फोर्टिस हॉस्पिटलमध्ये उपचार करण्यात येत आहेत. त्यांची कोरोना टेस्ट पॉझिटिव्ह आली आहे. या मंत्र्याने सोमवारी मंत्रालयात बैठकीला हजेरी लावल्याने त्यांना भेटलेल्या अधिकारी, कार्यकर्त्यांनाही क्वारंटाईन करण्याचा सल्ला देण्यात आला आहे. स्वतः मुख्यमंत्री आणि शरद पवार परिस्थितीवर लक्ष ठेवून आहेत असं वृत्त आहे.

दरम्यान, बीबीसीने दिलेल्या वृत्तानुसार मंगळवारी रात्री जितेंद्र आव्हाड यांना अचानक खूप ताप आला आणि त्याचबरोबर श्वास घ्यायलादेखील त्रास होत होता. त्यानंतर त्यांना ठाण्याच्या ज्युपिटर हॉस्पिटलमध्ये नेण्यात आलं. पण ज्यूपिटर हॉस्पिटलने मुलुंडच्या फोर्टिस हॉस्पिटलमध्ये नेण्याचा सल्ला दिल्याचं समजतं.

आव्हाड हे सध्या मुलुंडच्या फोर्टिस हॉस्पिटलमध्ये उपचार घेत आहेत. त्यांना कोव्हिड-19 ची लागण झाल्याची शक्यता वर्तवली जात आहे. कोरोनाचा प्रादुर्भाव वाढल्यानंतरही जितेंद्र आव्हाड त्यांच्या मुंब्र-कळवा या मतदारसंघात फिरत होते. त्यांच्या आसपासच्या लोकांना कोव्हिड-19 ची लागण झाल्यामुळे खबरदारीचा उपाय म्हणून त्यांनी १३ एप्रिलला घरी स्वत:ला १४ दिवसांसाठी क्वारंटाईन करून घेतलं होतं.

त्यावेळी कोरोनाची चाचणी केली आहे आणि ती निगेटिव्ह आल्याचं त्यांनी माध्यमांना सांगितलं होतं. पण या क्वारंटाईन काळात आठव्या दिवशीच त्यांना ताप आणि श्वासाचा त्रास जाणवू लागल्याने हॉस्पिटलमध्ये दाखल करण्यात आलं आहे. काही दिवसांपूर्वी जितेंद्र आव्हाड यांच्याकडे काम करणाऱ्या कर्मचाऱ्यांपैकी काही जणांना तसंच आव्हाड यांच्यासोबत असलेल्या राष्ट्रवादी काँग्रेसच्या एका नेत्याला कोव्हिड-19 झाल्याचं समोर आलं होतं.

News English Summary: According to the BBC, Jitendra Awhad suddenly developed a high fever on Tuesday night and was having difficulty breathing. He was then taken to Jupiter Hospital, Thane. But it is understood that Jupiter Hospital advised him to be taken to Fortis Hospital in Mulund. Awhad is currently undergoing treatment at Fortis Hospital in Mulund. They are said to be infected with Covid-19.

News English Title: Story corona virus Chief Minister Uddhav Thackreys minister got corona positive attended meeting Covid 19 News Latest Updates.