कंगनाला Y दर्जाची सुरक्षा देण्याचा केंद्राचा निर्णय योग्य - देवेंद्र फडणवीस

मुंबई, ७ सप्टेंबर : अभिनेत्री कंगना राणौतला केंद्रीय गृह मंत्रालयाने वाय प्लस दर्जाची सुरक्षा देणे हा केंद्र सरकारचा निर्णय योग्यच असल्याचे मत विरोधी पक्षनेते देवेंद्र फडणवीस यांनी व्यक्त केले. ते सोमवारी मुंबईत प्रसारमाध्यमांशी बोलत होते. यावेळी त्यांनी म्हटले की, एखाद्या व्यक्तीने चुकीचे वक्तव्य केले असेल, त्याचे विचार अयोग्य असतील तर आपण त्यावर आक्षेप नोंदवू शकतो. मात्र, त्या व्यक्तीचा जीव आणि मालमत्तेचे संरक्षण करणे, ही राज्य सरकार आणि संवैधानिक पदावर बसलेल्या अधिकाऱ्यांची जबाबदारी आहे. तसे होत नसेल तर आपल्याला ‘बनाना रिपब्लिक’ होण्यास वेळ लागणार नाही. मग आपल्याकडे कायद्याचे राज्य उरणार नाही.

“अभिनेत्री कंगना रणौत जे काही म्हणाली, त्याचे कोणीही समर्थन करणार नाही. भाजपाने सुद्धा याचा निषेध केला आहे. तुम्ही भले कंगना रणौतच्या मताशी सहमत नसाल पण प्रत्येक नागरिकांची सुरक्षा करणं ही राज्याची जबाबदारी आहे” असे माजी मुख्यमंत्री आणि विरोधी पक्ष नेते देवेंद्र फडणवीस सोमवारी पत्रकार परिषदेत म्हणाले.

News English Summary: Opposition leader Devendra Fadnavis said that the Union Home Ministry’s decision to provide Y-plus security to actress Kangana Ranaut was a wise one. He was speaking to the media in Mumbai on Monday.

News English Title: I think center did is right by providing Y security to Kangana Ranaut says Devendra Fadnavis Marathi News LIVE latest updates.