धारावी पॅटर्न राबविण्यात मोठं योगदान | ACP रमेश नांगरे यांचे हार्टअटॅकने निधन

मुंबई, ११ मार्च: मुंबई पोलीस कुटुंबियांसाठी अत्यंत दुःखद बातमी आज आली आहे. कोरोना संसर्गाचा मुंबईतील सर्वात मोठा हॉटस्पॉट ठरलेल्या धारावी भागात करोनाचा फैलाव रोखण्यासाठी झटणारे धारावीचे तत्कालीन वरिष्ठ पोलीस निरीक्षक आणि सध्या साकिनाका येथे नेमणुकीस असलेले सहायक पोलीस आयुक्त रमेश नांगरे यांचे हृदयविकाराच्या झटक्याने आज निधन झाले.

विशेष दोनच दिवसांपूर्वी रमेश नांगरे यांनी कोरोनावरील लस घेतली होती. दरम्यान, नांगरे यांच्या निधनाबद्दल मुंबई पोलीस दलातून तीव्र शोक व्यक्त करण्यात येत आहे. दोन महिने पत्नी- मुलांना न भेटता त्यांनी ड्युटी बजावली होती. कोरोना पँडेमिकला वर्षही पूर्ण होतं असताना नांगरे यांच्या वृत्ताने आलेली ही बातमी त्यांच्या सहकाऱ्यांसाठी अत्यंत वेदना देणारी आहे.

ट्रेसिंग, टेस्टिंग आणि ट्रीटमेंट ही त्रिसूत्री अवंबलबत मिशन धारावी सुरू करण्यात आले. त्यात प्रशासन व आरोग्य विभागाला पोलिसांची मोठी साथ लाभली. धारावी पोलीस ठाण्यात तेव्हा वरिष्ठ पोलीस निरीक्षक या पदावर रमेश नांगरे हे कार्यरत होते. त्यांनी स्वत: फिल्डवर उतरत आपल्या सहकाऱ्यांना बळ दिलेच पण धारावीकरांमध्ये जनजागृती करण्याचे मोठे काम केले होते.

News English Summary: Today is very sad news for Mumbai Police families. Ramesh Nangare, the then senior police inspector of Dharavi and now Assistant Commissioner of Police posted at Sakinaka, who was trying to stop the spread of corona in Dharavi, the biggest hotspot of corona infection in Mumbai, died of a heart attack today.

News English Title: Mumbai Police officer Ramesh Nangre who contributed during Dharavi pattern passes away news updates.