Health First | लस 'खरी; आहे कि 'खोटी' ते कसे ओळखावे? | जाणून घ्या संपूर्ण माहिती
नवी दिल्ली, २९ जून | भारतात सध्या करोनाचे लसीकरण अगदी जोरात सुरु आहे. २१ जून पासून केंद्र सरकारने राबवलेल्या नव्या धोरणामुळे १८ वर्षे वयाच्या वरील सर्व नागरिकांचे लसीकरण करण्याची मोहीम अगदी धडाक्यात सुरु आहे. भारतात बनवलेल्या लसी तसेच काही प्रमाणात परदेशात बनवलेल्या लसी असे सर्व डोस उपलब्ध झाल्यामुळे आता भारतात लसीकरण वेगाने सुरु झाले आहे. आतापर्यंत वेगवेगळ्या टप्प्यात एकूण ३२ कोटींपेक्षा जास्त डोस देऊन झाले आहेत. शिवाय दररोज मोठ्या प्रमाणावर लसीकरण होऊन हा आकडा वाढतच आहे.
महाराष्ट्राबरोबरच पश्चिम बंगाल मध्ये देखील नकली लसींचे प्रकरण समोर आले आहे. तृणमूल कोंग्रेसच्या सदस्य मिमी चक्रवर्ती अशाच प्रकारच्या नकली लसीकरण कॅम्पमध्ये सहभागी होऊन आजारी पडल्या आहेत. महाराष्ट्रात मध्यंतरी अशा पद्धतीचा मोठा फ्रॉड समोर आला आहे. मुंबईच्या कांदिवली ह्या उपनगरातील हिरानंदानी हेरिटेज ह्या उच्चभ्रू सोसायटीमध्ये असे प्रकरण घडले आहे. ह्या सोसायटीने ३० मे रोजी सोसायटीच्या सर्व रहिवाश्यांसाठी सामूहिक लसीकरण कॅम्प आयोजित केला होता. त्यात सुमारे ३९० लोकांनी लस घेतली. परंतु त्याच बरोबर नकली लसींचा व्यापार देखील देशात जोरात सुरु झाला आहे.
परंतु ह्यात काहीतरी फसवणूक आहे असे लक्षात आले कारण ३९० पैकी एकाही व्यक्तिमध्ये लसीकरण झाल्यावर जाणवणाऱ्या लक्षणांपैकी एकही लक्षण दिसून आले नाही. तसेच लसीकरण झाल्यावर मिळणारे सर्टिफिकेटही त्यांच्यापैकी कोणालाच मिळाले नव्हते. त्यानंतर चौकशी केली असता असे समोर आले की ज्या हॉस्पिटलच्या नावाने हे लसीकरण करण्यात आले होते त्या हॉस्पिटलने असे काही लसीकरण केलेच नव्हते. कोणीतरी परस्पर त्या हॉस्पिटलच्या नावाने नकली लसी देऊन लुबाडणूक केली होती. प्रत्येक लसीचे १२६० रुपये घेण्यात आले म्हणजे जवळजवळ ५ लाख रुपये लुबाडले गेले.
असेच प्रकरण पश्चिम बंगालमध्येही समोर आले आहे. एका माणसाने आपण आयएएस अधिकारी आहोत असे भासवून ठिकठिकाणी लसीकरण कॅम्प घेतले. तेथे अनेक नागरिकांना लसी देण्यात आल्या. संसदपटू मिमी चक्रवर्ती अशा खोट्या लसीकरणाच्या शिकार होऊन आजारी पडल्या तेव्हा हे प्रकरण समोर आले.
चक्रवर्ती ह्यांच्या तक्रारीवरून पोलिसांनी चौकशी केली असता सदर प्रकार समोर आला. ह्या आरोपीला अटक झाली असून करोना लसीच्या जागी अँटिबायोटिक डोस दिल्याचे त्याने कबूल केले आहे. अशा प्रकारच्या नकली लसीकरणामुळे पैश्यांची लूट तर होतेच शिवाय लसीऐवजी भलतेच काही शरीरात टोचले गेल्यामुळे आपल्याला काही धोका देखील होऊ शकतो. त्यामुळे अशा प्रकारच्या नकली लसीकरणापासून सावध रहा.
ह्यासाठी काय काळजी घ्यावी ते आता आम्ही तुम्हाला सांगणार आहोत. लसीकरण झाले असल्याचा मेसेज आणि सर्टिफिकेट फार महत्वाचे आहे.
आपले लसीकरण यशस्वी झाले आहे हे कसे ओळखावे?
* आपल्याला लस दिल्यापासून ५ मिनिटात आपल्या रजिस्टर्ड मोबाइल नंबरवर तसा मेसेज आला पाहिजे.
* तसेच लस दिल्यापासून १ तासाच्या आत कोविन पोर्टल वर आपले सर्टिफिकेट मिळाले पाहिजे.
* सर्व सरकारमान्य लसीकरण केंद्र आणि मान्यताप्राप्त खाजगी हॉस्पिटल्स ह्याच पद्धतीने काम करत आहेत.
* म्हणजेच मेसेज किंवा सर्टिफिकेट मिळायला वेळ लागत असेल किंवा त्यात टाळाटाळ होत असेल तर ते लसीकरण नकली असू शकते.
मुंबईतील प्रकरणात सर्व रहिवाश्यांना एकत्र सर्टिफिकेट मिळेल असे सांगून नंतर सर्टिफिकेट दिलीच नव्हती. त्यामुळे असे सांगितले गेले तर वेळीच सावध व्हा. आधी सर्व खात्री करून मगच लस घ्या. लसीकरण नोंदणी करताना फ्रॉड लस मिळण्यासाठी नावनोंदणी करताना ती अधिकृत कोविन ऍपवरुन करणे आवश्यक आहे. अन्य कोणत्याही लिंक वर क्लिक करून आपली माहिती दिल्यास फ्रॉड होण्याची शक्यता आहे. आपल्या माहितीचा दुरुपयोग होऊ शकतो, तशा अनेक घटना सध्या समोर येत आहेत. नकली लसीकरणापासून सावध रहा कारण ही फक्त पैश्यांची लुबाडणूक नव्हे तर नकली लसीमूळे आपले आरोग्यही धोक्यात येऊ शकते. लवकरात लवकर लस घ्या पण सुरक्षित आणि अधिकृत ठिकाणीच.
महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा.
News Title: How to find out original or duplicate corona vaccine health news updates.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- IndiGo Share Price | एक अपडेट आली आणि इंडिगो शेअर्स तेजीत, अल्पावधीत 32% परतावा दिला, संधीचा फायदा घ्या
- 7th Pay Commission | सरकारी कर्मचाऱ्यांची चिंता वाढणार? महागाई भत्त्याबाबत गुंतागुंत वाढतेय, नुकसान होणार?
- Bank Account Alert | महाराष्ट्रातील या बँकेत तुमचं खातं आहे? आता पैसे काढू शकणार नाही, RBI ने बंदी घातली
- Stocks To Buy | गुंतवणुकीसाठी टॉप 5 शेअर्स सेव्ह करा, अल्पावधीत 43 टक्क्यांपर्यंत परतावा मिळेल
- Old Vs New Tax Regime | पगारदारांनो! जुन्या टॅक्स प्रणालीतून नव्या टॅक्स प्रणालीकडे कोणी जावे? डिक्लेरेशन पूर्वीच समजून घ्या
- Numerology Horoscope | 26 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- IRFC Share Price | मल्टिबॅगर IRFC शेअर्स 30 दिवसात मोठी परतावा देणार, तज्ज्ञांकडून टार्गेट प्राईस जाहीर
- Man Industries Share Price | मालामाल करणारा शेअर! एका वर्षात 350 टक्के परतावा, पुढेही जोरदार कमाई होईल
- 7th Pay Commission | सरकारी कर्मचाऱ्यांसाठी खूशखबर! निवडणुकीनंतर सरप्राईज! 8'व्या वेतन आयोगाबाबतही अपडेट
- Numerology Horoscope | 24 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल