Lok Sabha Election | 2024 नव्हे! लोकसभा निवडणुका होणार डिसेंबरमध्येच होणार, भाजपने प्रचारासाठी सर्व हेलिकॉप्टर बुक केले

Lok Sabha Election | पश्चिम बंगालच्या मुख्यमंत्री ममता बॅनर्जी यांनी सोमवारी दावा केला की, केंद्र सरकार डिसेंबरमध्येच लोकसभा निवडणुका घेऊ शकते. ते म्हणाले की, भाजपने प्रचारासाठी सर्व हेलिकॉप्टर बुक केले आहेत. तृणमूल युवक आघाडीच्या रॅलीला संबोधित करताना ममता बॅनर्जी म्हणाल्या की, जर भाजप सलग तिसऱ्यांदा सत्तेत आला तर देश हुकूमशाहीकडे वाटचाल करेल. मुख्यमंत्री ममता बॅनर्जी म्हणाल्या की, सत्तेतील अनेक जण बेकायदेशीर कामांमध्ये गुंतलेले आहेत.

नेमकं काय म्हणाल्या ममता बॅनर्जी

भाजप सलग तिसऱ्यांदा सत्तेत आल्यास देशात हुकूमशाही प्रस्थापित होईल. डिसेंबर २०२३ पर्यंत भाजप लोकसभा निवडणुका घेऊ शकतात, असा माझा ठाम अंदाज आहे. त्या पुढे म्हणाल्या की, आगामी लोकसभा निवडणुकीच्या कारणाने भाजपने यापूर्वीच देशभरात विविध समुदायांमध्ये धार्मिक वैर पसरवले आहे. आता ते पुन्हा सत्तेत आले तर देश धार्मिक द्वेषाने भरून जाईल. भाजपने लोकसभा निवडणुकीची तयारी पूर्ण केली आहे. भाजपाला केव्हा निवडणुका हव्या आहेत ते त्यांच्यासाठी आधीच सुनिश्चित आहे आणि या मोहिमेसाठी त्यांनी सर्व हेलिकॉप्टर बुक केले आहेत. विरोधी पक्षांना प्रचारासाठी हेलिकॉप्टर मिळू नये आणि प्रचारात अडथळे यावेत म्हणून असे करण्यात आले आहे असं देखील त्या म्हणाल्या.

ममता बॅनर्जी म्हणाल्या की, बंगालमध्ये तीन दशकांची माकप राजवट संपुष्टात आली. आता आगामी लोकसभा निवडणुकीत देखील आम्ही भाजपला पराभूत करू. जादवपूर विद्यापीठात अभाविपच्या कार्यकर्त्यांनी केलेल्या घोषणांवर प्रतिक्रिया देताना ममता बॅनर्जी म्हणाल्या, ‘हे उत्तर प्रदेश नाही. वादग्रस्त घोषणा देणाऱ्यांवर कारवाई करून त्यांना अटक करण्यात येईल, असे ते म्हणाले. हे उत्तर प्रदेश नाही तर पश्चिम बंगाल आहे. इथे अशा घोषणा आम्हाला सहन होत नाहीत. बॅनर्जी यांनी राज्यपाल सीव्ही आनंद बोस यांच्यावर ही टीका केली आणि निवडून आलेल्या सरकारशी गल्लत करू नये, असे आवाहन देखील केले.

News Title : Lok Sabha Election West Bengal CM Mamata Banerjee said election will be announced in December check details 28 August 2023.