देशाच्या पायाभूत प्रकल्पापासून ते संरक्षण क्षेत्रात अदानी ग्रुप, मग त्याच कंपनीत चीनमधली व्यक्ती पैसा का गुंतवतेय? - राहुल गांधी

Rahul Gandhi | संघटित गुन्हेगारी आणि भ्रष्टाचार अहवाल प्रोजेक्टच्या वतीने अदानी समूहावर नव्याने आरोप केल्याबद्दल काँग्रेसने गुरुवारी मोदी सरकारवर हल्ला बोल केला. पत्रकार परिषदेत काँग्रेस खासदार राहुल गांधी यांनी मोदी सरकारवर टीका करत अदानी समूहावर नवे आरोप केले आहेत. देशाच्या पायाभूत प्रकल्पापासून ते संरक्षण क्षेत्रात अदानी ग्रुप, मग त्याच कंपनीत चीनमधली व्यक्ती पैसा का गुंतवतेय? असा गंभीर प्रश्न राहुल गांधी यांनी उपस्थित केला.

पत्रकार परिषदेत राहुल गांधी म्हणाले की, दोन आघाडीच्या जागतिक वृत्तपत्रांनी अदानी प्रकरणाबाबत अत्यंत महत्त्वाचे प्रश्न उपस्थित केले आहेत. सेबीवर आरोप करताना राहुल गांधी म्हणाले की, “सेबीने चौकशी केली, पण अदानीयांना क्लीन चिट देण्यात आली. नंतर त्याच व्यक्तीला अदानींच्या NDTV मध्ये डिरेक्टर पदावर नेमणूक करण्यात आली आणि हे सर्व एका रॅकेट प्रमाणे आहे, त्यामुळे काहीतरी गडबड आहे हे अगदी स्पष्ट होतंय असं राहुल गांधी म्हणाले.

अदानी प्रकरणी संयुक्त संसदीय समिती स्थापन करून सखोल चौकशी करण्यात यावी, अशी मागणी राहुल गांधी यांनी विरोधी पक्ष INDIA आघाडीच्या तिसऱ्या बैठकीपूर्वी पत्रकार परिषदेत केली. अदानी समूहावर नवे आरोप करताना राहुल गांधी यांनी सरकारवर प्रश्नचिन्ह उपस्थित केले आहे. पंतप्रधान मोदी गप्प का आहेत, चौकशी का होऊ देत नाहीत? जी-20 बैठकीपूर्वी भारताची प्रतिष्ठा पणाला लागली आहे, पंतप्रधान मोदींनी कारवाई करावी, या प्रकरणाची चौकशी करावी.

संसदेच्या विशेष अधिवेशनावर काँग्रेस खासदार राहुल गांधी म्हणतात, “मला वाटतं कदाचित हे थोडं अस्वस्थ होण्याचं लक्षण असेल. संसद भवनात बोलताना ज्या प्रकारची घबराट झाली, त्याच प्रकारची अस्वस्थता अचानक माझे संसद सदस्यत्व रद्द करण्यास कारणीभूत ठरली. त्यामुळे मला वाटते की ही चिंताजनक बाब आहे, कारण ही प्रकरणे पंतप्रधानांच्या अगदी जवळची आहेत. जेव्हा जेव्हा तुम्ही अदानी प्रकरणाला हात लावता तेव्हा पंतप्रधान खूप अस्वस्थ आणि घाबरतात असं राहुल गांधी म्हणाले.

News Title : Rahul Gandhi attacks Modi government on new allegations against Adani group 31 August 2023.