श्रीवर्धन: अवधूत तटकरेंविरुद्ध ६०९६१ मतं घेणाऱ्या सेनेच्या रवी मुंढेंचं राजकीय अस्तित्व धोक्यात?
मुंबई : आगामी विधानसभा निवडणुकांच्या आधी भाजप आणि शिवसेनेमध्ये जोरदार इनकमिंग सुरू आहे. गेल्या काही दिवसांमध्ये राष्ट्रवादी काँग्रेस आणि काँग्रेसमधल्या अनेक दिग्गज नेत्यांनी त्यांच्या कार्यकर्त्यांसह भारतीय जनता पक्ष आणि सेनेमध्ये प्रवेश केला. त्यामुळे विधानसभा निवडणुकांच्या आधी एनसीपी-काँग्रेसला मोठं खिंडार पडलं आहे. आता एनसीपीला आणखी एक धक्का बसणार आहे. एनसीपीचे आमदार अवधूत तटकरे हे सोमवारी मातोश्रीवर शिवसेना पक्षप्रमुख उद्धव ठाकरे यांच्या उपस्थितीत शिवसेनेत प्रवेश करणार असल्याची माहिती सूत्रांकडून देण्यात आली आहे.
शिवसेनेतील या इनकमिंगमुळे अनेक मतदारसंघात मूळ शिवसैनिकांचे अस्तित्वच धोक्यात आल्याचं चित्र आहे. अनेक मतदारसंघात पदाधिकारी मागील २-३ वर्षांपासून कामाला लागले होते आणि २०१९ मध्ये विधानसभा गाठायचीच असा चंग बांधला होता. मात्र पक्षप्रमुखांनी इतर पक्षातील लोकांपुढे आणि त्यांच्या अर्थशक्तीपुढे लोटांगण घातल्याची भावना अनेक शिवसैनिक पदाधिकाऱ्यांमध्ये निर्माण झाली आहे. नाव न सांगण्याच्या अटीवर अनेकांनी हे पैशाच्या व्यवहारावर होत असल्याचा आरोप केला आहे. आम्ही शिवसेना वाढवतो आणि ज्यांच्या विरुद्ध लढा देतो त्याच लोकांना पक्ष निवडणुका आल्या की जवळ करतो आणि आम्हालाच संपवण्याची योजना आखतो असं या पदाधिकाऱ्यांच म्हणणं आहे.
मागील काही दिवसांपूर्वी सुनील तटकरे यांचे निकटवर्तीय राष्ट्रवादी काँगेसचे जिल्हा सरचिटणीस रघुवीर देशमुख यांनी शिवसेनेत प्रवेश केला. महाडचे आमदार भरत गोगावले यांनी शिवबंधन बांधून त्यांचे शिवसेनेत स्वागत केले. विकास हवा असेल तर शिवसेना-भाजप युतीशिवाय पर्याय नसल्याचे पक्ष प्रवेशानंतर रघुवीर देशमुख म्हणाले होते. २०१४ मधील विधानसभा निवडणुकीत श्रीवर्धन मतदारसंघातून अवधूत तटकरे यांचा निसटता विजय मिळवला होता. या निवडणुकीत अवधूत तटकरे यांना ६१,०३८ मते मिळाली. तर शिवसेनेचे रवी मुंडे यांना ६०९६१ मते मिळाली आहेत.
दरम्यान, श्रीवर्धन मतदारसंघातील शिवसेनेच्या रवी मुंडे यांच्याप्रमाणे अनेक उमेदवारांनी २०१४ मधील निवडणुकीत प्रतिस्पर्धीना कडवी झुंज देत दिग्गज उमेदवारांना पाडण्यासाठी शक्ती पणाला लावली होती आणि त्यावेळी अनेकांनी मोठ्या प्रमाणावर मतं घेतली होती. मात्र पक्ष आज त्याच लोकांना डावलून केवळ पैशाच्या मोबदल्यात आम्हालाच संपवत आहे अशी संतापजनक भावना अनेक शिवसैनिक पदाधिकारी व्यक्त करत आहेत.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Talbros Auto Share Price | टॅलब्रोस कंपनीची ओरडारबुक मजबूत होताच शेअर्स तेजीत, 2 दिवसात 10 टक्के परतावा
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Stocks in Focus | मार्ग श्रीमंतीचा! हे टॉप 5 बँकिंग शेअर्स तुम्हाला अल्पावधीत 38 टक्केपर्यंत परतावा देतील, संधी सोडू नका
- Reliance Power Share Price | अवघ्या 4 वर्षात 2325 टक्के परतावा दिला, शेअर प्राईस 26 रुपये, पुढे तेजी येणार का?
- Reliance Infra Share Price | 2 दिवसात रिलायन्स इन्फ्रा शेअर 36 टक्के घसरला, पण स्टॉकला 'या' प्राईसवर सपोर्ट
- Numerology Horoscope | 16 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा मंगळवारचा दिवस कसा असेल
- KPI Green Energy Share Price | अवघ्या 6 महिन्यात 209% परतावा देणारा शेअर वेळीच खरेदी करा, मोठा फायदा होईल