'सत्तेपेक्षा तत्व महत्वाचे' असं तत्वज्ञान देणाऱ्या चित्रा वाघ यांना राष्ट्रवादी व नेटिझन्सनी झाडलं

पुणे: राज्यात सत्तास्थापनेसाठी शिवसेनेकडून वेगवान हालचाली सुरू आहेत. राष्ट्रवादी काॅंग्रेस शिवसेनेसोबत जाणार की नाही, यावर अद्याप निर्णय झाला नसल्याचा दावा पक्षाचे नेते प्रफुल्ल पटेल यांंनी सांगितले. काॅंग्रेसने ठरविल्याशिवाय राष्ट्रवादी आपला निर्णय घेणार नसल्याचेही राष्ट्रवादीने सांगितले आहे. तत्पूर्वी भारतीय जनता पक्षाला बहुमत असूनही सत्तास्थापन करता आली नाही. त्यामुळे राज्यपाल भगतसिंह कोशियारी यांनी दिलेली मुदत संपतानाच भारतीय जनता पक्षाने पत्रकार परिषद घेऊन स्पष्ट सांगितले की, आम्ही सरकार स्थापन करणार नाही. या निर्णयाचा भारतीय जनता पक्ष नेत्यांनी स्विकार केला.

भारतीय जनता पक्षाला सत्ता स्थापनेसाठी शनिवारी रात्री राज्यपालांनी आमंत्रण दिल्यानंतर रविवारी भारतीय जनता पक्षाने शिवसेना सोबत नसल्याने सत्ता स्थापनेचा दावा करणार नसल्याचे स्पष्ट केलं. यासंदर्भातील ट्विट महाराष्ट्र भाजपाच्या अधिकृत ट्विटर अकाऊंटवरुन करण्यात आले हेच. ट्विट कोट करत चित्रा वाघ यांनी आपली प्रतिक्रिया दिली. “सत्तेपेक्षा तत्व महत्वाचे… अभिमानास्पद निर्णय!,” असं ट्विट वाघ यांनी केलं होतं.

सत्तेपेक्षा तत्व महत्वाचे….
अभिमानास्पद निर्णय !!! @Dev_Fadnavis @SMungantiwar @PrasadLadInd @bjp4mumbai @BJP4India https://t.co/HnKioiZz8x

— Chitra Kishor Wagh (@ChitraKWagh) November 10, 2019

भारतीय जनता पक्षाच्या भूमिकेवर चित्रा वाघ म्हणाल्या की, भाजपने घेतलेला निर्णय अभिमानास्पद आहे. सत्तेपेक्षा तत्व महत्त्वाचे असंही वाघ म्हणाल्या. चित्रा वाघ यांच्या या ट्विटला नेटीझन्सने चांगलंच ट्रोल केलंय. वाघ, यांच्या ट्विटवर उलट प्रतिक्रिया देताना, तुम्हाला तत्व आणि निष्ठा ही भाषा शोभत नसल्याचे म्हटले आहे. तर, राष्ट्रवादी काँग्रेसच्या महिला प्रदेशाध्यक्ष रुपाली चाकणकर यांनीही चित्रा वाघ यांना टोला लगावला. “ज्या पक्षाने मान, सन्मान, पद, प्रतिष्ठा दिली, तो पक्ष सोडताना काहींना तत्व आठवली नाही, जी आता आठवायला लागली आहेत,” असा सवाल चाकणकर यांनी नाव न घेता वाघ यांना विचारला आहे.

ताई ज्या पक्षाने तुम्हाला प्रदेशाध्यक्ष करून महाराष्ट्रात पोहोचवलं, तो पक्ष संकटात असताना कसलंही कारण न देता धोका दिलात त्यावेळी कुठं होती तत्व, निष्ठा, स्वाभिमान.. 🙏🙏

— Aniket Bajarang Jadhav (@AniketJ78139844) November 11, 2019

ताई तत्वाचे भाषे आपण न केलेलेच बरे आता तरी लोक हुशार झाले आहे. असल्या पोस्टमुळे लोक तुम्हाला तत्वनिष्ठ आहात हे विचारतील
आणि जरी आपण तत्वनिष्ठ आहात तर समतावाद सोडून का गेलात भाजपच्या जातीयवादी तंबू मध्ये

— Balasaheb Takle (@TakleBalasaheb) November 11, 2019

सत्तेपेक्षा तत्व महत्वाचे!
ताई मग राष्ट्रवादी का सोडली.
तत्व पेक्षा परिवार महत्वाचे.
राजकारणी लोकांना तत्वचा महत्वाची किंमत नसते.

— अमिन हुददा, मनसे 9⃣ (@AMINHudda2) November 11, 2019

माझ्या मते तत्वे सांगण्याचा अधिकार दल बदलू नेत्यानी शिकवू नये..
तुमची निष्ठा फसव्या पक्षावर आहे.. हे विसरु नये..

— Akshay Dilip Jori (@jori_akshay) November 11, 2019

पक्ष बदलला तेव्हा कोणती तत्वे होती तुमची?
पाकिस्तान मध्ये न बोलावता बिर्याणी खाल्ली मोदींनी कोणती तत्वे होती?
विरोधकांचा ही सन्मान करा हे अटल बिहारी वाजपेयीं म्हणायचे, आहे का तुमच्या कडे हे तत्व?
काश्मीर मध्ये मुफ्ती चालली मग महाराष्ट्रात शिवसेना का टोचली?

— Yashpal Bhosale (@YashpalBhosale) November 11, 2019

काय बाई आहे ही आज म्हणते ” सत्तेपेक्षा तत्व महत्वाचे ” मग राष्ट्रवादी काँग्रेसचे महिला प्रदेशाध्यक्ष पद सोडून बीजेपी मध्ये जाताना तुझी तत्व काय झोपली होती काय ? का त्यावेळी तत्व पेक्षा सत्ता महत्वाची होती ? जनाची नाही तर मनाची तर ठेव .. !

— sameer khude (@sameer_khude) November 10, 2019