ती मुलाखत बघून शिवसैनिकांनी दारे-खिडक्या बंद करून डोकी भिंतीवर आपटली असतील
मुंबई, २८ जुलै : मुख्यमंत्री उद्धव ठाकरे यांनी ‘सामना’ला दिलेल्या मुलाखतीनंतर भाजपच्या गोटातून प्रतिक्रिया येण्यास सुरुवात झाली होती. या मुलाखतीत उद्धव ठाकरे यांनी मंत्रालयात न जाता मातोश्रीवर बसून सर्व कारभार हाताळणे, कसे गरजेचे आहे, हे सांगितले होते. मुख्यमंत्र्यांच्या याच वक्तव्याचा धागा पकडत भाजप प्रदेशाध्यक्ष चंद्रकांत पाटील यांनी उद्धव ठाकरे यांना चिमटा काढला. सध्या राज्यात दोन मुख्यमंत्री आहेत. एक मातोश्रीवर बसून काम करत आहेत आणि दुसरे राज्यभर फिरत आहेत, असे चंद्रकांत पाटील यांनी म्हटले. ते रविवारी पुण्यात पत्रकारांशी बोलत होते.
पुण्यात पत्रकारांशी बोलत असताना चंद्रकांत पाटलांनी मुख्यमंत्री उद्धव ठाकरे यांच्या मुलाखतीवर सडकून टीका केली. ‘चार महिन्यानंतर उद्धव ठाकरे यांनी सामनाला मुलाखत दिली आहे. त्यामुळे मॅच फिक्सिंग हे इथे आलेच आहे. कोरोनाच्या परिस्थितीनंतर उद्धव ठाकरे हे माध्यमांसमोर आले आहे. मुळात संजय राऊत हे ठाकरेंचे स्तुतीपाठक आहे. त्यामुळे हिंमत असेल तर उद्धव ठाकरे यांनी इतर माध्यमांना मुलाखत द्यावी’, असे थेट आव्हानच पाटील यांनी दिले होते.
दरम्यान, मुख्यमंत्री उद्धव ठाकरे यांनी शिवसेनेचं मुखपत्र दैनिक ‘सामना’ला दिलेल्या मुलाखतीची ‘तरुण भारत’ (नागपूर) या वृत्तपत्रातून खिल्ली उडवण्यात आली आहे. ‘उद्धव यांची ही मुलाखत खदखदून हसवणारी होती. या मुलाखतीच्या आडून भावाला मंत्रिपद न मिळाल्याचा सूडच संजय राऊत यांनी उद्धव यांच्यावर उगवला,’ अशी घणाघाती टीका करण्यात आली आहे.
नागपूर येथून प्रकाशित होणारे ‘तरुण भारत’ हे दैनिक राष्ट्रीय स्वयंसेवक संघाशी वैचारिक नाते सांगणारे आहे. आठ महिन्यांपूर्वी भाजप-शिवसेनेमध्ये दुरावा आल्यानंतर ‘तरुण भारत’नं सातत्यानं भाजपची भूमिका मांडण्याचं काम केलं होतं. एरवीही ‘तरुण भारत’मधून भाजपवरील टीकेला उत्तर दिलं जातं. या वृत्तपत्राचे सहयोगी संपादक श्रीनिवास वैद्य यांनी आजच्या लेखातून उद्धव ठाकरे यांच्या मुलाखतीवर भाष्य केलं आहे. ‘खळबळजनक अशी जाहिरात केलेली ही मुलाखत प्रत्यक्षात उद्धव ठाकरे यांची टिंगलटवाळी करणारी ठरली. आरशासमोर बसून मुख्यमंत्री आपलं प्रतिबिंब पाहताहेत असं वाटत होतं. ही मुलाखत पाहून अस्सल शिवसैनिकांनी दारे-खिडक्या बंद करून आपली डोकी भिंतीवर आपटून घेतली असतील,’ असा जोरदार टोलाही लगावण्यात आला आहे.
मुलाखतीत राऊत यांनी मुख्यमंत्र्यांच्या फेसबुक लाइव्हचं कौतुक केलं होतं. ‘राज्याचे मुख्यमंत्री जागतिक आरोग्य संघटनेला मार्गदर्शन करताहेत असं फेसबुक लाइव्ह पाहताना वाटत होतं. हे ज्ञान तुम्ही कुठून मिळवलं’, असा प्रश्न त्यांनी मुख्यमंत्र्यांना विचारला होता. हा प्रश्न विचारून संजय राऊत यांनी ठरवून उद्धव ठाकरे यांना अडचणीत आणले, असा आरोप लेखातून करण्यात आला आहे.
News English Summary: ‘Tarun Bharat’ answers the criticism of BJP. Srinivas Vaidya, Associate Editor of this newspaper, has commented on Uddhav Thackeray’s interview in today’s article. ‘This sensationally advertised interview actually turned out to be Uddhav Thackeray’s tingling.
News English Title: Tarun Bharat answers to CM Uddhav Thackeray interview given to Saamana Newspaper News Latest Updates.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Stocks To Buy | बँक FD किती वार्षिक व्याज देईल? पण या बँकेचा शेअर अल्पावधीत 35 टक्के परतावा देईल
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Numerology Horoscope | 22 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा सोमवारचा दिवस कसा असेल
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Talbros Auto Share Price | टॅलब्रोस कंपनीची ओरडारबुक मजबूत होताच शेअर्स तेजीत, 2 दिवसात 10 टक्के परतावा
- Jio Financial Services Share Price | जिओ फायनान्शियल शेअरमध्ये चढ-उतार, स्टॉक पुढे तेजीत वाढणार की घसरणार?
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Infosys Share Price | भरवशाचा इन्फोसिस शेअर उसळी घेणार, दिग्गज ब्रोकिंग तज्ज्ञांकडून मोठी टार्गेट प्राईस जाहीर
- Stocks in Focus | मार्ग श्रीमंतीचा! हे टॉप 5 बँकिंग शेअर्स तुम्हाला अल्पावधीत 38 टक्केपर्यंत परतावा देतील, संधी सोडू नका