नोकियाच्या तामिळनाडूतील प्लान्टमध्ये ४२ कर्मचाऱ्यांना कोरोनाची लागण...प्लान्ट बंद

चेन्नई, २७ मे: मोबाईल बनवणाऱ्या प्रसिद्ध नोकिया कंपनीच्या तामिळनाडूमधील श्रीपेरंबुदूर येथील मॅन्युफॅक्चरिंग प्लान्टमध्ये ४२ कर्मचाऱ्यांना कोरोनाची लागण झाली आहे. सध्या या कंपनीचा प्लान्ट बंद ठेवण्यात आला आहे. नोकिया कंपनीने गेल्या आठवड्यात तामिळनाडूच्या श्रीपेरंबुदूर येथील प्लान्ट बंद करण्याचा निर्णय घेतला होता. कंपनीत काम करणारे ४२ कर्मचारी कोरोना पॉझिटिव्ह आढळल्यानंतर आज कंपनीने प्लान्ट बंद असल्याचे सांगितले.

लॉकडाऊनमध्येही परवानगी मिळाल्यानंतर नोकियानेही आपल्या तामिळनाडू येथील प्लान्टमध्ये पुन्हा एकदा कामाची सुरुवात केली होती. यापूर्वी उत्तर प्रदेशच्या ग्रेटर नोएडा येथील ओप्पो मोबाईल फोन कंपनीच्या फॅक्टरीमध्येही ९ कर्मचारी कोरोना संक्रमित आढळले होते. त्यानंतर ओप्पोनेही ही फॅक्टरी पुढच्या आदेशापर्यंत बंद ठेवण्याचा निर्णय जाहीर केला.

दरम्यान, काही दिवसांपूर्वी हरयाणातील गुडगाव स्थित मारुती सुझुकीच्या प्लांटमध्ये एका कर्मचाऱ्याचा कोरोना चाचणी रिपोर्ट पॉझिटिव्ह आल्याने कंपनी व्यवस्थापनाची झोप उडाली होती. त्यामुळे कंपनीतील हजर राहणाऱ्या कामगारांमध्ये भीतीच वातावरण असल्याचं म्हटलं गेलं. मात्र माध्यमांनी विचारणा केल्यावर कंपनीच्या प्रवक्त्यांनी वृत्त खरं असल्याचं मान्य केलं होतं. पीटीआयने त्याबाबत अधिकृत वृत्त दिलं होतं.

Employee at Maruti Suzuki’s Manesar plant tests positive for COVID-19: Company spokesperson

— Press Trust of India (@PTI_News) May 23, 2020

News English Summary: The corona has infected 42 employees at a manufacturing plant of the famous mobile maker Nokia in Sriperumbudur in Tamil Nadu. The company’s plant is currently closed.

News English Title: Corona has infected 42 employees at a manufacturing plant of the famous mobile maker Nokia in Sriperumbudur in Tamil Nadu News Latest Updates.