ग्रामीण क्षेत्रात रोजगारवाढीसाठी केंद्राकडून गरीब कल्याण रोजगार योजना

नवी दिल्ली, १८ जून: ग्रामीण क्षेत्रात रोजगारवाढीसाठी केंद्र सरकारकडून गरीब कल्याण रोजगार योजना आखली गेली आहे. या योजनेविषयी आज अर्थमंत्री निर्मला सीतारमण यांनी पत्रकार परिषदेत चर्चा केली. या योजनेचं उद्घाटन २० जून रोजी पंतप्रधान नरेंद्र मोदी यांच्या हस्ते होणार आहे.

देशातील विविध भागातून आपल्या गावी पोहोचलेल्या लोकांना या योजनेचा फायदा होणार आहे. ही योजना देशातील सहा राज्यांतील ११६ जिल्ह्यांत सुरू होणार आहे. २० जून रोजी या योजनेचे उद्घाटन करताना या सहा राज्यातील मुख्यमंत्री आणि संपूर्ण मंत्रालय व्हिडिओ कॉन्फरन्सिंगद्वारे सहभागी होणार आहेत.

या योजनेसाठी ५० हजार कोटी खर्च करण्यात आले आहेत. या योजनेतून कामगारांना २५ प्रकारचे काम दिले जाणार आहे. बिहार, उत्तर प्रदेश, मध्य प्रदेश, राजस्थान, झारखंड, ओडिसा आदी राज्यांना या योजनेचा फायदा होईल, असं सीतारमण म्हणाल्या.

News English Summary: The Central Government has formulated a Poor Welfare Employment Scheme to increase employment in rural areas. The scheme was discussed by Finance Minister Nirmala Sitharaman at a press conference here today. The scheme will be inaugurated by Prime Minister Narendra Modi on June 20.

News English Title: The Central Government has formulated a Poor Welfare Employment Scheme to increase employment in rural areas News Latest Updates.