सुशांतला ब्रेकअप करायचा होता म्हणून रियाकडून त्याचा छळ, अंकिताचा आरोप

मुंबई, ३० जुलै : बॉलिवूड अभिनेता सुशांत सिंह राजपूत याच्या आत्महत्या प्रकरणाला एक नवं वळण मिळालं आहे. सुशांतच्या कुटुंबाकडून पाटण्यामध्ये त्याची प्रेयसी रिया चक्रवर्ती हिच्या नावे गुन्हा नोंदवण्यात आला. ज्यानंतर हालचालींना वेग आला आणि बिहार पोलिसांनी थेट मुंबई गाठली. या साऱ्या प्रकरणामध्ये अभिनेत्री आणि सुशांतची पूर्वाश्रमीची प्रेयसी अर्थात त्याची एक्स गर्लफ्रेंड अंकिता लोखंडे हिचंही नाव पुढं येत आहे.

बिहार पोलिसांनी अंकिताची चौकशी केल्याची माहिती समोर येत आहे. ज्यामध्ये तिनं काही धक्कादायक खुलासे केल्याचंही बोललं जात आहे. बुधवारी अंकिताची बिहार पोलिसांनी चौकशी केली असतना तिनं सुशांतशी आपलं २०१९ मध्ये बोलणं झाल्याची माहिती दिली. अंकिताचा ‘मणिकर्णिका’ या चित्रपटाच्या प्रदर्शनाच्याच काळात त्यांचं बोलणं झालं होतं. ज्यावेळी सुशांतनं रिया चक्रवर्तीसोबतच्या त्याच्या नात्याविषयी अंकिताला काही गोष्टी सांगितल्या होत्या.

आपल्या पदार्पणाच्याच चित्रपटासाठी शुभेच्छा देण्यासाठी म्हणून सुशांतनं आपल्याला मेसेज केल्याचं अंकितानं पोलिसांना सांगितलं. त्यावेळी तो बराच भावनिक झाला होता, असंही ती म्हणाली. आपण या नात्यात आनंदी नसल्याचं म्हणत रिया आपला छळ करत असल्यामुळं या नात्यातून बाहेर पडण्याबाबत तो बोलला होता असंही अंकितानं सांगितलं.

दरम्यान, अभिनेता सुशांत सिंह राजपूतच्या आत्महत्येप्रकरणी त्याची कथित प्रेयसी व अभिनेत्री रिया चक्रवर्तीविरोधात पाटणा पोलिसांत गुन्हा दाखल करण्यात आला आहे. याप्रकरणी चौकशी करण्यासाठी पाटणा पोलिसांची चार जणांची टीम मुंबईला आली. मात्र ‘टाइम्स ऑफ इंडिया’ने दिलेल्या वृत्तानुसार, पोलीस जेव्हा रियाच्या घरी पोहोचले तेव्हा ती घरातून गायब असल्याचं निदर्शनास आलं. अटकपूर्व जामिनासाठी रियाकडून शर्थीचे प्रयत्न केले जात असल्याचंही म्हटलं जात आहे.

जामीन मिळवण्यासाठी रियानं अभिनेता सलमान खान आणि संजय दत्त यांची केस लढणाऱ्या भारतील प्रसिद्ध वकिलांपैकी एक असलेल्या मानशिंदे यांना नेमलं आहे. सुशांत सिंह राजपूतच्या वडिलांनी त्यांच्या मृत्यूनंतर तब्बल दीड महिन्यांनी अभिनेत्री रिया चक्रवर्तीविरूद्ध फिर्याद दाखल केली. पाटण्यातील पोलीस ठाण्यात याप्रकरणी गुन्हा दाखल झाला असून, बिहार पोलीस सध्या मुंबईत तपासासाठी दाखल झाले आहेत. रियावर आत्महत्येस प्रवृत्त करण्याबरोबरच इतरही गंभीर आरोप सुशांतच्या वडिलांनी केले आहेत.

News English Summary: It is learned that Ankita Lokhande was questioned by the Bihar police. In which she is also said to have made some shocking revelations. When Ankita Lokhande was questioned by Bihar police on Wednesday, she informed that she had talked to Sushant in 2019.

News English Title: Bollywood actress Rhea Chakraborty harassed Sushant Singh Rajput told ex girlfriend Ankita Lokhande tells Bihar Police News Latest Updates.