रजनीकांत यांचा राजकारणातून बाहेर पडण्याचा निर्णय

चेन्नई, २९ डिसेंबर: अभिनेते आणि दक्षिण भारतीय सिनेमाचे सुपरस्टार रजनीकांत यांच्या राजकीय प्रवेशासंदर्भात मोठी बातमी समोर आली आहे. रजनीकांत यांनी राजकारणातून बाहेर पडण्याचा निर्णय घेतला आहे. तब्येतीच्या कारणावरून राजकारणात प्रवेश करणार नसल्याचं त्यांनी जाहीर केलं आहे. सोशल मीडियावर पत्रक शेअर करत रजनीकांत यांनी राजकारणात प्रवेश करणार नसल्याचं म्हटलं आहे.

pic.twitter.com/bUzAYURjdv

— Rajinikanth (@rajinikanth) December 29, 2020

“मला सांगताना अतिशय वाईट वाटतंय की मी सध्यातरी कोणताही राजकीय पक्ष सुरू करणार नाही. पण तामिळनाडूच्या जनतेसाठी विविध माध्यमातून काम सुरुच राहील”, असं रजनिकांत यांनी जाहीर केलं आहे. गेल्या काही दिवसांपासून प्रकृती खालावल्याचाही उल्लेख त्यांनी पत्रकात केला आहे. याशिवाय, या निर्णयामागे मला ‘बळीचा बकरा’ बनविल्याच मत तयार करुन घेण्याचा गैरसमज कुणी करुन घेऊ नये, असंही त्यांनी स्पष्ट केलं आहे.

रजनीकांत यांना नुकतंच प्रकृती बिघडल्याने हैदराबादमधील एका खासगी रुग्णालयात दाखल करण्यात आलं होतं. त्यांना रक्तदाब आणि थकव्याचा त्रास जाणवत होता. २७ डिसेंबरला त्यांना रुग्णालयातून डिस्चार्ज देण्यात आला होता. डॉक्टरांनी त्यांना एक आठवडा विश्रांती घेण्याचा सल्ला दिला आहे.

News English Summary: Big news has come out regarding the political entry of Rajinikanth, a leader and superstar of South Indian cinema. Rajinikanth has decided to quit politics. He has announced that he will not enter politics due to health reasons. Sharing the leaflet on social media, Rajinikanth has said that he will not enter politics.

News English Title: Superstar Rajinikanth has decided to quit politics news updates.