महत्वाच्या बातम्या
-
२०१४ मध्ये गंभीरने जेटलींचा प्रचार केला आणि ते पराभूत झाले, आता तो भाजपचा प्रचार करणार
भारतीय क्रिकेट संघाचा माजी फलंदाज गौतम गंभीर याने अधिकृतपणे भाजपात प्रवेश केला आहे. यावेळी केंद्रीय अर्थमंत्री अरुण जेटली, रवीशंकर प्रसाद यांची प्रमुख उपस्थिती होती. गौतम गंभीरने भाजपात प्रवेश केल्याने आमच्या पक्षाला नक्कीच फायदा होईल असा विश्वास अरुण जेटली यांनी आयोजित पत्रकार परिषदेत व्यक्त केला.
5 वर्षांपूर्वी -
अडवाणींनंतर कोण? त्यांच्या योजना काँग्रेस आणि भाजपातील वरिष्ठांविरुद्ध देखील?
कालच भाजपने त्यांच्या उमेदवारांची पहिली यादी जाहीर केली आणि त्यात पक्षाचे वरिष्ठ नेते आणि खासदार लालकृष्ण अडवाणी यांना गांधीनगर लोकसभेतून उमेदवारी न देता थेट अमित शहांना उमेदवारी देण्यात आली आहे. त्यानंतर समाज माध्यमांवर मोठ्या प्रमाणावर टीका करण्यात येत असून अडवाणी नंतर कोणाचे नंबर असे प्रश्न उपस्थित केले जात आहेत. त्यासाठी मोदी आणि अमित शहा जोडीचे जुने फोटो देखील व्हायरल केले जात आहेत.
5 वर्षांपूर्वी -
पहिली यादी जाहीर; मोदींच्या राजकीय गुरूंचा पत्ता कट? अमित शहांना गांधीनगरमधून उमेदवारी
आगामी लोकसभा निवडणुकीसाठी भाजपाकडून पहिली यादी जाहीर करण्यात आली आहे. या यादीत १८२ उमेदवारांचा समावेश आहे. दरम्यान भारतीय जनता पक्षाचे ज्येष्ठ नेते लालकृष्ण अडवाणी यांचा बालेकिल्ला असणाऱ्या गांधीनगर मतदारसंघातू भाजपाचे राष्ट्रीय अध्यक्ष अमित शहा यांनी उमेदवारी देण्यात आली आहे. त्यामुळे यंदाची निवडणूक लालकृष्ण अडवाणी यांना पक्षाकडून डावललं जाणार का असा प्रश्न उपस्थित झाला आहे.
5 वर्षांपूर्वी -
चौकीदारने नाही! लंडनमधील मेट्रो बँकेच्या सतर्क कर्मचाऱ्याने स्कॉटलँड यार्ड पोलिसांना कळवले
भारतातील बहुचर्चित पंजाब नॅशनल बँकेतील महाघोटाळ्याचा प्रमुख सूत्रधार हिरे व्यापारी नीरव मोदी याला इंग्लंडमधील स्कॉटलँड यार्डने अटक केली आहे. विशेष म्हणजे भारतातील चौकीदार सतर्क असल्याच्या भारतीय प्रसार माध्यमांमध्ये बातम्या झळकत असल्या तरी त्यामागील वास्तव वेगळंच आहे. कारण लंडनमध्ये वास्तव्यास असलेला नीरव मोदी मेट्रो बँकेत खाते उघडण्यासाठी गेला होता आणि त्यावेळी त्याच बँकेतील सतर्क कर्मचाऱ्याने लंडनमध्ये झळकलेल्या वृत्तानुसार त्याला अचूक ओळखले आणि त्याला बेसावध ठेवून पोलिसांना कळवले आणि अखेर तो पोलिसांच्या जाळ्यात अडकला, अशी माहिती समोर आली आहे.
5 वर्षांपूर्वी -
पीएनबी बँक घोटाळा: नीरव मोदीला लंडनमध्ये अटक
पंजाब नॅशनल बँकेला हजारो कोटींचा चुना लावून पळून गेलेला हिरे व्यापारी नीरव मोदी याला लंडन येथून अटक करण्यात आली आहे. त्याला लंडन येथील कोर्टात हजर केले जाणार आहे. भारतात घोटाळा करुन फरार झालेल्या या उद्योगपतीविरोधात लंडनमधील वेस्ट मिनिस्टर न्यायालयाने अटक वॉरंट जारी केले होते. भारतात प्रत्यार्पण करण्याच्या प्रकरणाची आता सुनावणी न्यायालयात केली जाणार आहे. याचदरम्यान, सूत्रांकडून मिळालेल्या माहितीनुसार, अंमलबजावणी संचालनालयाकडून नीरव मोदीची संपत्ती विकली जाऊ शकते.
5 वर्षांपूर्वी -
मोदीजी लोकांना मूर्ख समजणे बंद करा: प्रियंका गांधी
काँग्रेसवर घराणेशाहीचा आरोप करणाऱ्या पंतप्रधान नरेंद्र मोदींवर काँग्रेस सरचिटणीस प्रियंका गांधी यांनी पलटवार केला आहे. आम्ही कोणाला घाबरत नाही आणि पंतप्रधान नरेंद्र मोदी यांनी जनतेला मूर्ख समजणे बंद करावे, मागील ५ वर्षांमध्ये मोदी सरकारने भारतातील घटनात्मक संस्थांवर हल्ला केला, असे प्रियंका गांधी यांनी म्हटले आहे.
5 वर्षांपूर्वी -
'चाय संपली' आता 'चौकीदार से चर्चा', मोदी साधणार २५ लाख चौकीदारांशी संवाद
पंतप्रधान नरेंद्र मोदी आज देशभरातील तब्बल पंचवीस लाख चौकीदारांशी चर्चा म्हणजे संवाद साधणार आहेत. संध्याकाळी ४:३० वाजता मोदी ऑडिओच्या माध्यमातून चौकीदारांशी संवाद साधतील. लोकसभा निवडणुकीच्या पार्श्वभूमीवर मोदींनी ‘मैं भी चौकीदार’ कॅम्पेन सुरू केलं आहे. होळीच्या पूर्वसंध्येला मोदी चौकीदारांशी साधत असलेला संवाद याच कॅम्पेनचा भाग असेल, अशी माहिती भारतीय जनता पक्षाकडून देण्यात आली आहे.
5 वर्षांपूर्वी -
भाजपाला अरुणाचल प्रदेशात जोरदार धक्का, ८ आमदारांचा पक्षाला रामराम
लोकसभा निवडणुकीपूर्वी अरुणाचल प्रदेशमध्ये भारतीय जनता पक्षाला हादरा बसला असून पक्षातील तब्बल आठ आमदारांनी नॅशनल पीपल्स पार्टीत प्रवेश केला आहे. अरुणाचल प्रदेशमध्ये लोकसभा आणि विधानसभा निवडणूक एकत्र होणार असून भाजपाला सोडचिठ्ठी देण्याऱ्यांमध्ये दोन मंत्र्यांचा देखील समावेश आहे. भाजपाने उमेदवारी न दिल्याने त्यांनी पक्षाला रामराम केला आहे.
5 वर्षांपूर्वी -
भाऊ आला धावून; ४६२ कोटींचे कर्ज फेडल्यामुळे अनिल अंबानींची तुरुंगवारी वाचली
रिलायन्स इंडस्ट्रिजचे चेअरमन मुकेश अंबानी यांनी आपल्या लहान भावाला मोठ्या संकटातून वाचवले आहे. एरिक्सन या कंपनीला देण्यासाठी पैसे नसल्याने अनिल अंबानी यांना तुरुंगवास भोगावा लागणार होता. मात्र मुकेश अंबानी यांनी अनिल यांच्यावरील ४६२ कोटींचे कर्ज फेडल्यामुळे त्यांच्यावरील अटकेचे संकट आता टळले आहे. या कठीण प्रसंगात साथ दिल्याने अनिल अंबानी यांनी भाऊ मुकेश अंबानी आणि वाहिनी नीता अंबानी यांचे आभार मानले आहेत.
5 वर्षांपूर्वी -
मनोहर पर्रिकरांच्या निधनानंतर गोव्यात जोरदार राजकीय हालचाली
गोव्याचे मुख्यमंत्री मनोहर पर्रिकर यांच्या निधनानंतर गोव्यातील राजकीय घडामोडींनाही वेग आला आहे. मनोहर पर्रिकर यांचे रविवारी संध्याकाळी निधन झाले. त्यांच्या निधनानंतर गोव्यात राजकीय संकट निर्माण झाले आहे. एकीकडे काँग्रेसने सत्तास्थापनेसाठी दावा करण्याची तयारी सुरु केली असतानाच भाजपानेही मुख्यमंत्रीपदासाठी हालचाली सुरु केल्या आहेत.
5 वर्षांपूर्वी -
त्या बैठकीला मोदीच गैरहजर होते, त्यामुळे मी पुलावामाचा बदला घेण्यासाठी जवानांनाच आदेश द्या असं सुचवलं
पुलवामा येथे सीआरपीएफच्या जवानांवर झालेल्या आत्मघाती दहशतवादी हल्ल्यात भारताचे तब्बल चाळीस जवान शहीद झाले होते. देशातील हा सर्वात मोठा दहशतवादी हल्ला होता. त्यानंतर काही दिवसातच या हल्ल्याचा बदला एअर स्ट्राईकद्वारे घेण्यात आला. यात ३०० पेक्षा अधिक दहशतवादी मारल्याचा दावा सरकारने केला आहे. परंतु, ही कारवाई आमच्या सल्ल्यानेच झाल्याचा दावा शरद पवार यांनी केला आहे. ते चाकण येथे राष्ट्रवादीचे उमेदवार डॉ. अमोल कोल्हे यांच्या प्रचार सभेत बोलत होते. यावेळी अजित पवार, जयंत पाटील, डॉ. अमोल कोल्हे, माजी आमदार विलास लांडे आदी नेते उपस्थित होते.
5 वर्षांपूर्वी -
नेहरुंमुळेच मसूद अझहरला जागतिक दहशतवादी ठरवण्यात अपयश: भाजप
पुलवामा जिल्ह्यातील दहशतवादी हल्ल्यास जबाबदार असलेल्या पाकिस्तानमधील ‘जैश-ए-मोहम्मद’ या संघटनेचा प्रमुख मसूद अझहर याला जागतिक दहशतवादी ठरवण्याच्या भारताच्या प्रयत्नांमध्ये आज चौथ्यांदा चीनने खोडा घातला. युनोमध्ये चीनने पुन्हा नकाराधिकाराचा वापर केला आहे. चीनच्या या निर्णयामुळे मसूदला जागतिक दहशतवादी ठरवण्यासाठी भारताने केलेली मोर्चेबांधणी अयशस्वी ठरली आहे.
5 वर्षांपूर्वी -
पंतप्रधान मोदी व उद्धव ठाकरे यांचं एकाच व्यासपीठावर मनोमिलन होणार
लवकरच पंतप्रधान नरेंद्र मोदी आणि शिवसेना पक्षप्रमुख उद्धव ठाकरे एकाच मंचावर येणार आहेत. नरेंद्र मोदींच्या महाराष्ट्रात तब्बल २५ जाहीर सभा होणार आहे. त्यापैकीच ही एक जाहीर संयुक्त सभा असणार आहे. महाराष्ट्र चार टप्प्यांत मतदान होणार आहे.
5 वर्षांपूर्वी -
योगी ते फडणवीस, कमळावर देखील घराणेशाहीच्याच पाकळ्या
सध्या लोकसभेच्या अनुषंगाने सत्ताधारी भारतीय जनता पक्ष काँग्रेस, राष्ट्रवादी आणि इतर पक्षांवर घराणेशाहीचा आरोप करत असून भाजप त्यातला नाही असं भासवत आहे. परंतु, भाजपची सध्याची कुंडली तपासल्यास ते इतर पक्षांच्या तुलनेत काही कमी नाहीत असंच चित्र आहे. त्यामुळे घराणेशाही या विषयावर भाजपने न बोललेलं बरं, असा सूर विरोधकांनी लावला आहे.
5 वर्षांपूर्वी -
पाकिस्तानी शरीफ माणसांच्या भेटी, गुजरातमधील झोकाळे आणि फसलेली परराष्ट्रनीती?
युनो’मध्ये घडलेल्या घडामोडीने आज नरेंद्र मोदींची परराष्ट्रनीती किती फसवी होती याचा प्रत्यय करून दिला आहे. २०१४ नंतर राष्ट्रीय प्रतिमा तयार होण्याआधीच स्वतःला आंतराष्ट्रीय स्तरावर मोठं करण्यासाठी परदेशात देखील अनेक इव्हेंट शिस्तबद्ध आयोजित करण्यात आले आले. त्यात अनेक निर्णय आकस्मितपणे घेतले गेले आणि त्यात प्रमुख म्हणजे पाकिस्तानमधील नवाज शरीफ यांची आकस्मित भेट. कारण २०१४ पासून ‘मोदींचा मास्टरस्ट्रोक’ नावाच्या ठळक हेडलाईन म्हणजे सध्याच्या पेड प्रसार माध्यमांना जडलेला आजारंच म्हणावा लागेल.
5 वर्षांपूर्वी -
मसूद अजहरला युनोत जागतिक दहशतवादी घोषित करण्यात चीनचा सुरुंग
जैश-ए-मोहम्मदचा म्होरक्या मसूद अजहरला आंतरराष्ट्रीय दहशतवादी घोषित करण्याच्या भारताच्या प्रयत्नांना चीननं पुन्हा एकदा सुरुंग लावला आहे. मसूद अजहरला आंतरराष्ट्रीय दहशतवादी घोषित करण्यासाठी संयुक्त राष्ट्रात प्रस्ताव आणण्यात आला होता. परंतु चीननं नकाराधिकाराचा वापर केला. त्यामुळे भारताला पुन्हा एकदा धक्का बसला आहे. अजहरला जागतिक दहशतवादी घोषित करण्याचे प्रयत्न निष्फळ ठरवण्याची चीनची ही चौथी वेळ आहे.
5 वर्षांपूर्वी -
VIDEO: पीएनबी महा-घोटाळ्यातील आरोपी मेहुल चोक्सीला मोदी 'मेहुलभाई' म्हणाले होते
पंतप्रधान नरेंद्र मोदींच्या हस्ते ५ नोव्हेंबर २०१५ रोजी तीन सुवर्ण योजनांचे उदघाटन करण्यात आले. सुवर्ण रोखे, सुवर्ण ठेव आणि सोन्याची नाणी अशा योजनांतून देशात पडून राहिलेले सोने चलनात आणण्याचा या योजनांमागील उद्देश होता. या योजनांच्या उद्घाटनाप्रसंगी नरेंद्र मोदींनी भाषण केले होते. या कार्यक्रमात गीतांजली जेम्सचा अध्यक्ष आणि नीरव मोदीचा मामा मेहुल चोक्सी हा देखील उपस्थित होता. ज्वेलरी क्षेत्रातील मोठे व्यापारी तसेच रिझर्व्ह बँकेचे तत्कालीन गव्हर्नर रघुराम राजन देखील या कार्यक्रमाला उपस्थित होते. २०१५ मध्ये नीरव मोदीचा घोटाळा उघड झाला नव्हता आणि त्यावेळी नीरव मोदी आणि मेहुल चोक्सी हे दोघेही आघाडीचे हिरे व्यापारी होते. मोदींचा जो व्हिडिओ व्हायरल केला जात आहे तो याच कार्यक्रमातील आहे. या भाषणात मोदींनी मेहुल चोक्सीचा उल्लेख मेहुल भाई असा केला होता.
5 वर्षांपूर्वी -
मोदींच्या गुजरातमधूनच काँग्रेसच्या निवडणूक प्रचाराचा प्रारंभ
कॉंग्रेसच्या राष्ट्रीय कार्यकारिणीची बैठक आज गुजरातच्या अहमदाबाद शहरात होणार आहे. या बैठकीसाठी कॉंग्रेसने थेट पंतप्रधान नरेंद्र मोदी आणि भाजपचे अध्यक्ष अमित शहा यांच्या होमपिचची निवड केल्याने याला विशेष महत्व प्राप्त झाले आहे.
5 वर्षांपूर्वी -
मोदीजी! मसूद अजहरला कोणी सोडलं ते शहिदांच्या कुटुंबियांना सांगावं: राहुल गांधी
पुलवामा हल्ल्यात चाळीस सीआरपीएफ जवानांच्या मृत्यूमध्ये जैश-ए-महंम्मदचा हात असल्याचे उघड झाले आहे. परंतु, त्याला अनुसरून राहुल गांधी यांनी पंतप्रधानांवर निशाणा साधला आहे. ‘जैश’चा म्होरक्या मसूद अजहरची १९९९ मध्ये भारताच्या कैदेतून सुटका कोणी केली होती, हे मोदींनी पुलवामातील त्या शहीद जवानांच्या कुटुंबियांना सांगावं, असे त्यांनी म्हटले आहे.
5 वर्षांपूर्वी -
राहुल गांधींच्या उपस्थितीत हार्दिक पटेल उद्या काँग्रेसमध्ये प्रवेश करणार
गुजरातमधील पटेल समाजाच्या आरक्षण देण्यावरून सत्ताधारी भारतीय जनता पक्षाला आव्हान देणारे हार्दिक पटेल यांनी काँग्रेसमध्ये प्रवेश करण्याचा निर्णय घेतला आहे. काँग्रेस अध्यक्ष राहुल गांधी यांच्या उपस्थितीत उद्या मंगळवारी हार्दिक पटेल काँग्रेसमध्ये प्रवेश करणार आहेत. स्वत: हार्दिक पटेल यांनी ट्विटरवरून अधिकृतपणे याबद्दलची माहिती दिली. गुजरातच्या जामनगर लोकसभा मतदारसंघातून निवडणूकही लढविणार असल्याची माहिती याआधी काँग्रेसच्या काही वरिष्ठ नेत्यांनी दिली आहे.
5 वर्षांपूर्वी
राहुन गेलेल्या बातम्या
- 7th Pay Commission | सरकारी कर्मचाऱ्यांची चिंता वाढणार? महागाई भत्त्याबाबत गुंतागुंत वाढतेय, नुकसान होणार?
- IndiGo Share Price | एक अपडेट आली आणि इंडिगो शेअर्स तेजीत, अल्पावधीत 32% परतावा दिला, संधीचा फायदा घ्या
- Bank Account Alert | महाराष्ट्रातील या बँकेत तुमचं खातं आहे? आता पैसे काढू शकणार नाही, RBI ने बंदी घातली
- Old Vs New Tax Regime | पगारदारांनो! जुन्या टॅक्स प्रणालीतून नव्या टॅक्स प्रणालीकडे कोणी जावे? डिक्लेरेशन पूर्वीच समजून घ्या
- Stocks To Buy | गुंतवणुकीसाठी टॉप 5 शेअर्स सेव्ह करा, अल्पावधीत 43 टक्क्यांपर्यंत परतावा मिळेल
- Numerology Horoscope | 26 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Man Industries Share Price | मालामाल करणारा शेअर! एका वर्षात 350 टक्के परतावा, पुढेही जोरदार कमाई होईल
- Penny Stocks | गरिबांना सुद्धा खरेदीला परवडतील हे 10 पेनी शेअर्स, अप्पर सर्किट हीट गतीने पैसा वाढतोय
- Adani Enterprises Share Price | अदानी एंटरप्रायझेसचे शेअर्स फोकसमध्ये, कंपनीबाबत मोठी अपडेट, फायदा होणार?
- Numerology Horoscope | 24 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल